گوگل نیوز پر ہمیں فالو کریںلاہور: سابق وزیراعظم اور پاکستان تحریک انصاف (پی ٹی آئی) کے چیئرمین عمران خان نے چیف جسٹس آف پاکستان (سی جے پی) عمر عطا بندیال کو خط لکھ کر صحافی ارشد شریف کے قتل کی جوڈیشل انکوائری کا مطالبہ کیا ہے۔
سینئر صحافی کو 23 اکتوبر کو کینیا کے دارالحکومت نیروبی میں قتل کر دیا گیا تھا جہاں وہ خود ساختہ جلاوطنی کی زندگی گزار رہے تھے۔
کینیا کی پولیس نے پہلے کہا کہ ارشد شریف کو ”غلط شناخت” کے معاملے میں قتل کیا گیا تھا لیکن پوسٹ مارٹم اور ان کی لاش کو ان کے آبائی ملک پاکستان منتقل کرنے کے بعد سے، کینیا کے کئی خبر رساں اداروں نے نہ صرف پولیس کے طرز عمل پر سوالات اٹھائے ہیں بلکہ جس طریقے سے انہیں قتل کیا گیا اس پر بھی سوالات اٹھائے ہیں۔
خط میں سابق وزیراعظم نے چیف جسٹس پر زور دیا کہ وہ سینئر صحافی کے قتل کی تحقیقات کے لیے ’آزاد‘ جوڈیشل کمیشن تشکیل دیں۔
یہ امر قابل ذکر ہے کہ ہزاروں پاکستانی شہریوں نے چیف جسٹس آف پاکستان کو خط لکھ کر صحافی کے لیے انصاف کا مطالبہ کیا ہے۔
ارشد شریف کی بیٹی علیزہ ارشد نے دسمبر کے اوائل میں سپریم کورٹ کے ججوں کو لکھے گئے خط میں زور دیا تھا کہ ان کے والد کے قتل کے مقدمے کی تحقیقات کے لیے ایک عدالتی کمیٹی قائم کی جائے۔
مزید پڑھیں:امید تھی نئی عسکری قیادت پرانی پالیسیوں سے خود کو الگ کر لے گی، عمران خان
انہوں نے اعلیٰ عہدوں پر فائز ججوں سے اپیل کی کہ وہ متاثرین کو انصاف فراہم کریں۔ انہوں نے تجویز پیش کی کہ ایک عدالتی پینل قائم کیا جائے اور سماعتیں عوامی سطح پر کی جائیں۔
