گوگل نیوز پر ہمیں فالو کریںبارباڈوس: ورلڈ کپ کے سپر 8 راؤنڈ میں بھارت نے افغانستان کو 47 رنز کے طویل فرق سے باآسانی شکست دے دی ہے۔
تفصیلات کے مطابق بارباڈوس برج ٹاؤن میں کھیلے گئے میچ میں بھارت نے افغانستان کو جیت کیلئے 182 رنز کا ہدف دیا تھا جس کے جواب میں افغانستان کی ٹیم مقررہ 20 اوورز میں 134 رنز بناکر پویلین لوٹ گئی۔ بھارت نے بیٹنگ، بولنگ اور فیلڈنگ سمیت ہر فیلڈ میں بہتر کارکردگی کا مظاہرہ کیا۔
افغانستان کے عظمت اللہ عمر زئی نے 20 گیندوں پر سب سے زیادہ 26 رنز بنائے۔ نجیب اللہ زدران 19 جبکہ گلبدین نائب 17 رنز بنا کر سب سے نمایاں بیٹرز میں شامل ہوئے۔ بھارت نے افغانستان کے خلاف ٹاس جیت کر پہلے بیٹنگ کا فیصلہ کیا تھا۔
کپتان روہت شرما کی قیادت میں بھارتی کرکٹ ٹیم نے پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 181 رنز اسکور کیے تھے۔ سوریا کمار یادو کو 28 گیندوں پر 53 رنز بنانے پر میچ کا بہترین کھلاڑی قرار دیا گیا۔
