گوگل نیوز پر ہمیں فالو کریںکراچی: گورنر سندھ کامران ٹیسوری کے بیٹے زاہد ٹیسوری کو آفیشل مقامات پر ٹک ٹاک ویڈیوز کی عکسبندی کے باعث سوشل میڈیا صارفین کی تنقید کا سامنا ہے۔
تفصیلات کے مطابق سوشل میڈیا صارفین کا کہنا ہے کہ گورنر سندھ کے صاحبزادے زاہد ٹیسوری مبینہ طور پر ٹک ٹاک ویڈیوز کیلئے سرکاری ذرائع کا استعمال کرتے ہیں اور ہائی رینک افسران جیسا پروٹوکول حاصل کرتے نظر آتے ہیں۔
گورنر ہاؤس کی مختلف تقریبات میں زاہد ٹیسوری کی تقلید کرتے ہوئے پروٹوکول آفیسرز اور دیگر اہلکاروں کو دیکھتے ہوئے سوشل میڈیا صارفین کا کہناہے کہ زاہد ٹیسوری چینی قونصل جنرل سمیت دیگر کے ساتھ ملاقاتوں میں بھی موجود رہتے ہیں۔
بعض سوشل میڈیا صارفین نے اعتراض کیا کہ کامران ٹیسوری بطور گورنر سندھ جو آفیشل ملاقاتیں کرتے ہیں، ان میں زاہد ٹیسوری موجود رہتے ہوئے اپنی ٹک ٹاک ویڈیوز وغیرہ بناتے ہیں جس پر متعدد صارفین نے پیغامات ارسال کیے۔
It’s shameful that in Sindh, where people are dying from poverty, Governor Kamran Tessori’s son is using public money for TikTok videos. This is how Pakistan is being robbed… #GovernorKaBeta #pakistaniactor
Shahid Afridi pic.twitter.com/blzuiW9s1b— Mohammad Kashif (@Kashifsial2244) June 20, 2024
ناقدین کا کہنا ہے کہ پبلک آفس اور ذرائع کا غیر ذمہ دارانہ استعمال کیا جارہا ہے۔ سوشل میڈیا پلیٹ فارمز میں زاہد ٹیسوری کی ٹک ٹاک ویڈیوز سمیت دیگر معاملات پر سب سے زیادہ تنقید ایکس (ٹوئٹر) پر کی گئی جہاں ہزاروں پیغامات ارسال کیے گئے۔
