بھارت پاکستان میں فرقہ وارانہ تنازعات پیدا کرنے کی کوشش کررہا ہے، وزیر اعظم

اسلام آباد:وزیر اعظم عمران خان کا کہنا ہے کہ بھارت پاکستان میں فرقہ وارانہ تنازعات پیدا کرنے کی کوشش کررہا ہے۔ سماجی رابطے کی ویب سائٹ پر اپنے ایک پیغام کے ذریعے وزیراعظم عمران خان نے کہا ہے کہ مولانا عادل کی ٹارگٹ کلنگ قابل مذمت ہے۔

وزیراعظم عمران خان نے کہا ہے کہ میری حکومت جانتی ہے اور میں نے یہ بات بار بار ٹی وی پر بیان کی ہے کہ بھارت کی جانب سے سنی اور شیعہ مسلک سے تعلق رکھنے والے علما کو قتل کرنے کی کوشش کی جارہی ہے۔

Condemnable targeted killing of Maulana Adil of Jamia Farooqia in Karachi this evening. My govt has known & I have repeatedly stated this on TV, since last 3 months India's attempts to target kill Aalims from Sunni & Shia sects to create sectarian conflict across the country. pic.twitter.com/HbhJ0o16zB

— Imran Khan (@ImranKhanPTI) October 10, 2020

انہوں نے اپنے پیغام میں مزید کہا ہے کہ بھارت سنی اور شیعہ علما کو قتل کرنے کی کوشش کررہا ہے اور گزشتہ چند ماہ کے دوران ایسی کئی کوششوں کا ناکام بنایا گیا ہے۔

انہوں نے بتایا کہ خفیہ ایجنسیاں اور قانون نافذ کرنیو الے ادارے ذمہ داران کو انجام تک پہنچائیں گے۔ علمائے کرام کو وزیراعظم کی جانب سے ہدایت کی گئی ہے کہ علما ملک کو غیر مستحکم بنانے کی بھارتی سازش کو ناکام بنائیں۔