گوگل نیوز پر ہمیں فالو کریںبھارتی ٹی وی چینل ٹائمز ناؤ نے سابق وزیراعظم آزاد جموں و کشمیر چوہدری انور الحق کی تقریر کا ایک کٹ شدہ حصہ آن ایئر کیا اور دعویٰ کیا کہ انہوں نے تسلیم کیا کہ پاکستان دہلی کے لال قلعہ دھماکے میں ملوث ہے۔
تحقیقات اور فیکٹ چیک سے یہ بات سامنے آئی کہ یہ دعویٰ غلط اور گمراہ کن ہے۔ بھارتی میڈیا نے صحافت کے اصولوں کو پس پشت ڈال کر سابق وزیر اعظم کی تقریر کو سیاق و سباق سے ہٹا کر نشر کیا۔
ویڈیو میں دکھایا گیا حصہ ایک طویل اسمبلی تقریر کا صرف چھوٹا سا حصہ ہے اور اس میں چوہدری انور الحق بھارت کی پچھلی مداخلت اور بلوچستان کے حوالے سے بات کر رہے تھے، نہ کہ حالیہ لال قلعہ دھماکے کے بارے میں۔ ان کا اصل جملہ تھاکہ پاکستان آرمی نے ایسا جواب دیا کہ بھارت اپنے جہاز گن نہ سکا تاہم بھارتی میڈیا نے “jets” (جہاز) کو غلط ترجمے کے ذریعے “dead bodies” یعنی لاشیں میں بدل کر نشر کیا۔
🔎 Fact Check | Ministry of Information & Broadcasting
🟠 Claim (circulated by Times Now, TV panels, and X accounts):
Indian media shared a cropped clip of former AJ&K PM Chaudhry Anwar-ul-Haq, claiming he admitted Pakistan orchestrated the recent Red Fort/Delhi blast. Channels… pic.twitter.com/aDE3o36cvR— Fact Checker MoIB (@FactCheckerMoIB) November 20, 2025
چوہدری انور الحق نے نہ تو حالیہ واقعے کا ذکر کیا اور نہ ہی پاکستان کی کسی مداخلت کا اشارہ دیا۔ یہ بیان صرف تاریخی فوجی تصادمات کے حوالے سے تھا۔
ماہرین اور فیکٹ چیکرز نے کہا کہ وائرل کلپ کو منتخب کر کے اور الفاظ کو غلط ترجمہ کر کے پیش کیا گیا تاکہ ناظرین پر غلط تاثر ڈالا جا سکے۔ عوام سے اپیل کی گئی ہے کہ کسی نتیجے پر پہنچنے سے پہلے مکمل تقریر دیکھیں اور معتبر ذرائع کی تصدیق کریں۔
