گوگل نیوز پر ہمیں فالو کریںسویڈن کی اپسالا یونیورسٹی میں سے وابستہ ممتاز بھارتی پروفیسر اشوک سوائن کا کہنا ہے کہ پاکستان جیسے اسلامی ملک کا سربراہ اپنے دفتر میں ہندوؤں کے تہوار دیوالی کی تقریب منعقد کررہے ہیں جبکہ مودی کے نام نہاد سیکولر ملک بھارت میں مسلمان پر زندگی تنگ کی جارتی ہے۔
پروفیسر اشوک سوائن نے سوشل میڈیا پلیٹ فارم ایکس (سابقہ ٹوئٹر) پر وزیر اعظم شہاز شریف کی جانب سے منعقد کی گئی دیوالی کی تقریب کی ویڈیو شیئر کرتے ہوئے بھارتی وزیر اعظم نریندر مودی کو کڑی تنقید کا نشانہ بنایا۔
Pakistan, an Islamic country, its Prime Minister celebrates Diwali at his official residence. Modi, the Prime Minister of ‘secular’ India refuses to even wear a skullcap. pic.twitter.com/ELC6OPJzO5
— Ashok Swain (@ashoswai) October 20, 2025
اشوک سوائن نے کہا کہ پاکستان ایک ایسا ملک ہے جہاں زیادہ تر لوگ مسلمان ہیں اور اس کا وزیراعظم بھی مسلمان ہوتا ہے جبکہ دیوالی ہندوؤں کا تہوار ہے لیکن پاکستانی وزیراعظم نے اپنے سرکاری گھر میں یہ تہوار منانے کا فیصلہ کیا تاکہ ملک میں مذہبی رواداری اور بھائی چارے کا پیغام دیا جا سکے۔
دوسری طرف بھارت کے وزیراعظم نریندر مودی ہیں جو بھارت کو ایک سیکولر یعنی غیر مذہبی ملک کہتے ہیں لیکن وہ خود ایسی کوئی چیز پہننے سے گریز کرتے ہیں جو ان کی مذہبی یا ثقافتی شناخت کو ظاہر کرے جیسے کہ مسلمان لوگ جب مذہب کی علامت کے طور پر سر پر ٹوپی یا کلیہ پہنتے ہیں۔ اس سے ایک تضاد دکھائی دیتا ہے کہ بھارت میں سیکولر ہونے کا دعویٰ کرنے کے باوجود کچھ مخصوص ثقافتی یا مذہبی علامات کو اپنانے میں احتیاط کی جاتی ہے۔
واضح رہے کہ چند روز قبل بھارتی پروفیسر اشوک سوائن نے ایکس پر کراچی میں دیوالی کی خوشیوں کی ایک خوبصورت ویڈیو بھی شیئر کی تھی جس میں ہندو برادری رنگ برنگے لباسوں میں ملبوس، خوشی سے جھومتی ہوئی دکھائی دیتی ہے۔ مندروں کو روشن دیاﺅں، رنگولی اور آتشبازی سے سجایا گیا ہے اور ہر طرف خوشیوں کا سماں ہے۔
اس ویڈیو کے ساتھ پروفیسر نے تنقیدی انداز میں لکھا کہ پاکستان میں ہندو برادری دیوالی پورے جوش و خروش سے منا رہی ہے۔ کیا بھارت کے مسلمان بھی ایسی ہی آزادی اور تحفظ کے ساتھ عید منا سکتے ہیں؟۔
