آرمی چیف جنرل قمر جاوید باجوہ کی ایرانی عسکری قیادت سے ملاقاتیں

تہران: پاک فوج کے سربراہ جنرل قمر جاوید باجوہ نے ایرانی عسکری قیادت سے ملاقات کی جس میں باہمی تعلقات اور تعاون پر گفتگوکی گئی۔

پاک فوج کے شعبہ تعلقات عامہ آئی ایس پی آر کے مطابق آرمی چیف جنرل قمر جاوید باجوہ نے ایرانی صدر حسن روحانی سے ملاقات کی، ملاقات میں پاک ایران سرحدی امور، سیکیورٹی صورتحال اور باہمی دلچسپی کے امور پر تبادلہ خیال کیا گیا۔

آئی ایس پی آر کے مطابق ایرانی صدر نے خطے میں امن و استحکام کے لیے پاکستان کے کردار کی تعریف کی اور دہشت گردی کے خلاف پاک فوج کی کامیابیوں کو سراہا۔

COAS called on President of Iran, Hassan Rouhani. Regional security environment and matters of mutual interest discussed. The President appreciated role of Pakistan towards regional peace and successes of Pakistan Army against terrorism. pic.twitter.com/AxVDrnjIan

— DG ISPR (@OfficialDGISPR) November 19, 2019

اس سے قبل ڈی جی آئی ایس پی آر میجر جنرل آصف غفور کے مطابق آرمی چیف جنرل قمر جاوید باجوہ نے ایرانی سپریم نیشنل سیکیورٹی کونسل کے سربراہ سے ملاقات کی۔

آرمی چیف نے ایرانی سپہ سالار میجرجنرل سیدعبدالرحیم موسوی سے بھی ملاقات کی ،ملاقاتوں میں باہمی عسکری تعلقات،تعاون پر بات چیت کی گئی۔