گوگل نیوز پر ہمیں فالو کریںمعروف بھارتی اداکار بومن ایرانی نے فلم انڈسٹری چھوڑنے کا عندیہ دے دیا ہے، جس کے ساتھ ہی انڈسٹری میں کھلبلی مچ گئی، متعدد اداکاروں نے بھارتی فنکار کے فیصلے پر تشویش کا اظہار کیا۔
تفصیلات کے مطابق اداکار بومن ایرانی کا نام بالی ووڈ میں گزشتہ کچھ دہائیوں سے درجنوں فلمز کے ساتھ منسلک رہا اور کامیڈی کے ساتھ ساتھ سنجیدہ رولز میں بھی بومن ایرانی نے اپنی فنکارانہ صلاحیتوں کا لوہا منوایا۔
View this post on Instagram
حال ہی میں سامنے آنے انسٹاگرام اسٹوری میں اداکار بومن ایرانی نے نپے تلے الفاظ میں فلم انڈسٹری چھوڑنے کا کہا، جس پر فلمی حلقوں میں نئی بحث چھڑ گئی ہے کیونکہ بومن ایرانی کو بالی ووڈ کی کامیڈی فلمز کی کامیابی کی ضمانت سمجھا جاتا ہے۔
View this post on Instagram
اپنے سوشل میڈیا پیغام میں بومن ایرانی نے کہا کہ آپ کو یاد ہوگا کہ ماضی میں فلم انڈسٹری میں کس قسم کا ڈرامہ ہوا کرتا تھا، مجھے لگتا ہے کہ میں نے اپنی قسمت کا سارا کام کرلیا ہے اور اپنی ہر حد پار کرلی۔ ہوسکتا ہے یہی میرے انخلاء کا درست وقت ہو۔
اداکار بومن ایرانی نے کہا کہ میں کسی قسم کا ڈرامہ نہیں کررہا اور نہ ہی میرے ساتھ کوئی مسئلہ ہے بلکہ میں صرف سانس لینے کیلئے جگہ چاہتا ہوں۔ یہ صرف میرے خیالات ہیں، تو ان کا زیادہ گہرا مطلب مت نکالیے گا۔
بومن ایرانی کی جانب سے اس قسم کا بیان سامنے آنے کے بعد مداحوں میں تشویش کی لہر دوڑ گئی اور یہ سوال جنم لے رہا ہے کہ کیا بومن ایرانی مستقل یا عارضی طور پر بالی ووڈ فلم انڈسٹری کو چھوڑنے کیلئے سنجیدہ ہوگئے ہیں۔
