گوگل نیوز پر ہمیں فالو کریںاسلام آباد: انٹر نیشنل آرگنائزیشن فار اسٹینڈرڈائزیشن ”آئی ایس او“ نے سالانہ سبسکرپشن فیس کی عدم ادائیگی پر پاکستان کی رکنیت معطل کرنے کی دھمکی دے دی۔
بدترین بحران میں گھری معیشت کے لیے ایک اور بری خبر آگئی، انٹر نیشنل آرگنائزیشن فار اسٹینڈرڈائزیشن ”آئی ایس او“ نے پاکستان کی رکنیت معطلی کی دھمکی دے دی۔
بار بار یاد دہانی کے باوجود پاکستان کی جانب سے سالانہ سبسکرپشن فیس کی عدم ادائیگی پرآئی ایس او نے پاکستان کو فائنل وارننگ جاری کی۔
حکومت نے پیٹرولیم ڈیلرز اور تیل کمپنیوں کا مارجن بڑھانے کی منظوری دے دی
آئی ایس او نے جنیوا میں اقوام متحدہ کے دفتر اور دیگر عالمی اداروں میں پاکستان کے مستقل مشن کے ذریعے حکومت کو بتایا کہ سال 2022 کے لیے سبسکرپشن فیس ادا نہیں کی گئی،جس کی وجہ سے پی ایس کیو سی اے کی رکنیت معطل کی جاسکتی ہے۔
آئی ایس او نے کہا تھا کہ معطلی کی صورت میں پی ایس کیو سی اے کو ووٹنگ رائٹس اور تنظیم کی مفت اشاعتوں اور دستاویزات تک رسائی سمیت دیگر سہولیات حاصل نہیں ہوں گی۔
دوسری جانب فیڈریشن آف پاکستان چیمبرآف کامرس اینڈ انڈسٹری نے وارننگ پر تشویش کا اظہار کردیا ہے، کاروباری برادری کے مطابق ممکنہ رکنیت معطلی سے نہ صرف معیشت اور برآمدات کوسنگین مشکلات کا سامنا کرنا پڑسکتا ہے بلکہ پاکستان میں تیارہونے والی اشیا کی بیرونی طور پر خریداری بھی بری طرح متاثر ہونے کا خدشہ ہے۔
