گوگل نیوز پر ہمیں فالو کریںہالی ووڈ کی معروف گلوکارہ اور اداکارہ جینیفر لوپیز نے اپنی آنے والی فلم کس آف دی اسپائیڈر وومن کے لیے ڈرامائی تبدیلی کے عمل سے متعلق اہم انکشافات کئے ہیں۔
56 سالہ اداکارہ نے دی ہاورڈ اسٹرن شو میں گفتگو کے دوران بتایا کہ انہیں اپنے نئے روپ کے بارے میں ابتدا میں کافی خوف تھا، خاص طور پر پلاٹینم بلونڈ (ہلکے سنہرے بالوں) میں تبدیلی کے حوالے سے کافی پریشانی کا سامنا تھا۔
میزبان ہاورڈ اسٹرن نے ان کے نئی روپ کی تعریف کرتے ہوئے کہا کہ مجھے آپکاپلاٹینم بلونڈ لک بہت پسند آیا۔جس پر جینیفر لوپیز نے جواب دیا کہ وہ شروع میں پریشان تھیں کیونکہ یہ انداز ان کے لیے بالکل نیا تھا۔
انہوں نے کہا کہ میں نے پہلے کبھی اتنے ہلکے رنگ کے بال نہیں رکھے تھے اور مجھے ڈر تھا کہ یہ مجھ پر اچھے نہیں لگیں گے۔
نئی فلم کے لیے اپنائے گئے سنہرے بالوں کے انداز کو دیکھ کر کچھ لوگوں نے ان کا موازنہ گوین اسٹیفانی سے کیا تاہم جینیفر نے بتایا کہ انہوں نے ماضی میں بلونڈ وِگس آزمائی تھیں مگر وہ ان کی جلد کے رنگ سے میل نہیں کھاتیں۔
انہوں نے مزید بتایا کہ ان کے میک اپ آرٹسٹ اسکاٹ بارنز نے ان کے اس نئے روپ میں مرکزی کردار ادا کیا۔جینیفر لوپیز نے یہ بھی کہا کہ یہ تبدیلی صرف ظاہری نہیں بلکہ شخصیت میں بھی بڑی تبدیلی لے کر آئی۔
