گوگل نیوز پر ہمیں فالو کریںممبئی: بالی ووڈ کی خوبرو اداکارہ کیارا ایڈوانی نے اپنی آنے والی فلم وار 2 کے گانے آواں جاواں کی شوٹنگ کے دوران لی گئی پردے کے پیچھے کی تصویریں سوشل میڈیا پر شیئر کرکے مداحوں کو خوشگوار حیرت میں ڈال دیا ہے۔
کیارا ایڈوانی نے انسٹاگرام پر چند منفرد سیلفیز اور ویڈیوز شیئر کیں جن میں وہ گانے کی ریہرسل، کوریوگرافی اور میک اپ کے مراحل سے گزرتی نظر آ رہی ہیں۔
تصویروں میں ان کا جدید انداز اور توانائی سے بھرپور چہرہ فلم کے شاندار گانے کی جھلک پیش کر رہا ہے۔
فلم وار 2 یش راج فلمز کے اسپائی یونیورس کا حصہ ہے جس میں ریتک روشن اور جونیئر این ٹی آر مرکزی کرداروں میں نظر آئیں گے جبکہ کیارا ایڈوانی اس بار ایکشن اور رومانوی دونوں رنگوں میں جلوہ گر ہوں گی۔
آواں جاواں گانے کو فلم کا ایک کلیدی اور دل کو چھو لینے والا لمحہ قرار دیا جا رہا ہے جو فلم کی تھیم کے مطابق جذباتی اور تیز رفتار ہوگا۔
مداحوں نے کیارا کی پوسٹ پر بھرپور ردعمل دیا ہے اور کمنٹس میں ان کے اسٹائل، خوبصورتی اور توانائی کو سراہا جا رہا ہے۔
فلمی حلقوں کے مطابق آواں جاواں وہ گانا ہو سکتا ہے جو ریلیز کے بعد سوشل میڈیا پر وائرل ہو جائے۔ وار 2 کی ریلیز کی تاریخ کا اعلان جلد متوقع ہے اور کیارا ایڈوانی کی یہ جھلک مداحوں کے جوش کو مزید بڑھا رہی ہے۔
