گوگل نیوز پر ہمیں فالو کریںکراچی میں ایک افسوسناک واقعے میں بجلی کا کھمبا اچانک موٹر سائیکل پر گر گیا جس کے نتیجے میں موٹر سائیکل سوار شخص موقع پر ہی جاں بحق ہو گیا جبکہ اس کی بیوی اور بیٹی شدید زخمی ہو گئیں۔
یہ واقعہ شہر شاہراہ فیصل پر کارساز کے قریب پیش آیا۔جاں بحق ہونے والے شخص کی شناخت جمیل کے نام سے ہوئی ہے، جو حادثے کے فوری بعد ہی دم توڑ گیا۔
حادثے کے بعد علاقے کے مکینوں نے اپنی مدد آپ کے تحت سڑک سے کھمبا ہٹایا۔ زخمی خاتون اور بچی کو تشویشناک حالت میں اسپتال منتقل کر دیا گیا۔
*کراچی کے ان زنگ آلود کھمبے،کھلے مین ہول،انکا کوئی جواب دینے والا ہے؟*
*ان معاملات کا کوئی ذمہ دارہے ؟* pic.twitter.com/NbjaPmc5IL
— Salma Younus (@salma_yonus) June 20, 2025
ذرائع کے مطابق بچی کی حالت نازک بتائی جا رہی ہے۔ علاقہ مکینوں کا کہنا ہے کہ کھمبا گزشتہ کئی سال سے خستہ حالی کا شکار تھا مگر مقامی انتظامیہ نے اس بارے میں کوئی اقدام نہیں اٹھایا۔
رہائشیوں نے کے الیکٹرک انتظامیہ کی غفلت اور نااہلی کو اس افسوسناک موت کا ذمہ دار قرار دیتے ہوئے مطالبہ کیا کہ علاقے میں موجود تمام بوسیدہ کھمبے فوری طور پر ہٹا دیے جائیں تاکہ مستقبل میں اس طرح کے حادثات سے بچا جا سکے۔
