گوگل نیوز پر ہمیں فالو کریںاسلام آباد: وفاقی وزیر داخلہ محسن نقوی نے کہا ہے کہ اگر کسی اوور سیز پاکستانی کی جائیداد پر قبضہ ہوا تو اس پر 7روز میں فیصلہ ہوگا۔
تفصیلات کے مطابق اسلام آباد میں اوور سیز پاکستانیوں کی جائیداد کے تحفظ کیلئے اہم اقدام اٹھاتے ہوئے محسن نقوی نے اپنے سوشل میڈیا پیغام میں کہا کہ اگر کوئی اوور سیز پاکستانی قبضے یا غیر قانونی تصرف کی شکایت درج کروائے تو ڈی سی کو پابند کیا جائے گا۔
سماجی رابطے کی ویب سائت ٹوئٹر پر جاری پیغام میں وزیر داخلہ محسن نقوی نے کہا کہ کسی بھی اوور سیز پاکستانی کی قبضے یا غیر قانونی تصرف کی شکایت درج ہونے پر ڈی سی اسلام آباد 7 روز کے اندر اندر فیصلہ کرنے کا پابند ہوگا۔
For Overseas Pakistanis
If you report any qabza/illegal occupation, the DC Islamabad is bound to decide within 7 days. Your property rights will be protected, no one will be allowed to take what is lawfully yours.Your investments in ICT are welcome and valued. We will provide a…
— Mohsin Naqvi (@MohsinnaqviC42) January 27, 2026
محسن نقوی نے کہا کہ قانون کے مطابق کوئی بھی شخص کسی کی جائز ملکیت پر ناجائز قبضہ نہیں کرسکتا۔اسلام آباد میں سمندر پار پاکستانیوں کی سرمایہ کاری خوش آئند اقدام ہے جسے قدر کی نگاہ سے دیکھا جاتا ہے۔
انہوں نے کہا کہ حکومت سرمایہ کار دوست ماحول اور محفوظ سرمایہ کاری کیلئے پر عزم ہے جبکہ اوور سیز پاکستانیوں کے اثاثوں کا تحفظ یقینی بنانے کیلئے تیز اور صاف و شفاف اقدامات یقینی بنائے جائیں گے۔
