گوگل نیوز پر ہمیں فالو کریںکاروباری ہفتے کے پہلے روز پیر 26 جنوری 2026 کو پاکستان اسٹاک ایکسچینج میں تیزی کا رجحان جاری رہا اور 100 انڈیکس تاریخ میں پہلی بار 190,000 پوائنٹس کی سطح عبور کر گیا۔ یہ اضافہ اسٹیٹ بینک آف پاکستان کی مانیٹری پالیسی کمیٹی کے آج کے اجلاس سے پہلے دیکھنے میں آیا جس میں بنیادی پالیسی ریٹ کے بارے میں اہم فیصلہ کیا جائے گا۔
صبح 11 بجے بینچ مارک انڈیکس ایک ہزار 146 پوائنٹس اضافے سے ایک لاکھ 90 ہزار کی حد عبور کرگیا۔
شعبوں میں خریداری کا رجحان
مارکیٹ میں اہم شعبوں میں سرمایہ کاری دیکھی گئی جن میں آٹوموبائل اسمبلرز، سیمنٹ، کھاد، تیل و گیس کی تلاش کرنے والی کمپنیاں، او ایم سیز، پاور جنریشن اور ریفائنری شامل ہیں۔
بڑے اسٹاکس کی کارکردگی
انڈیکس کے بھاری وزن والے اسٹاکس جیسے کہ آر ایل، حبکو، ماری، او جی ڈی سی، ایف ایف سی، ایچ بی ایل اور ایم سی بی مثبت زون میں ٹریڈ ہوئے جس نے انڈیکس کی مجموعی کارکردگی کو مستحکم کرنے میں اہم کردار ادا کیا۔
