گوگل نیوز پر ہمیں فالو کریںبھارتی ریاست اترپردیش کے ایک گاؤں میں ایسا واقعہ پیش آیا جو سن کر یقین کرنا مشکل ہے تاہم سچ ہے کہ ایک بندر نہ صرف ایک استاد کا پیسوں سے بھرا بیگ چرا لے گیا بلکہ درخت پر بیٹھ کر ہزاروں روپے کے کرنسی نوٹ فضا میں بکھیر دیئے۔
یہ واقعہ ضلع فیض آباد کے گاؤں ڈوڈا پور میں پیش آیا جہاں ایک مقامی اسکول کے استاد روہتاش چندر زمین کی رجسٹریشن کے لیے وکیل کے دفتر پہنچے تھے۔ انہوں نے اپنی موٹرسائیکل کی ڈگی میں 80 ہزار روپے رکھے ہوئے تھے۔
اسی دوران ایک چالاک بندر کھانے کی تلاش میں وہاں آنکلا اور استاد کی موٹر سائیکل کی ڈگی سے بیگ نکال کر قریبی درخت پر چڑھ گیا۔ اس کے بعد بندر نے بیگ کھولا اور اندر موجود نوٹ نیچے پھینکنے لگا۔
درخت سے نوٹ برستے دیکھ کر آس پاس موجود لوگ وہاں پہنچ گئے اور جس جس کے ہاتھ جو لگا، وہ لے اُڑا۔ اس تمام واقعے کی ویڈیو سوشل میڈیا پر وائرل ہو گئی جس میں لوگوں کو نوٹ چنتے دیکھا جا سکتا ہے۔
In UP, a monkey grabbed ₹80K cash from a person & showered the notes from a tree.
While the person was busy in some paperwork, the monkey pulled the bag & climbed the tree.
The person recovered only ₹52K. The remaining ₹28K was either snatched by people or torn by monkeys. pic.twitter.com/edUatgXCLx
— Gems Of India (@GemsOfIndia_X) August 26, 2025
روہتاش چندر کا کہنا ہے کہ انہوں نے لوگوں کی مدد سے تقریباً 52 ہزار روپے واپس حاصل کر لیے ہیں لیکن باقی 28 ہزار روپے واپس نہ مل سکے۔
مقامی لوگوں کا کہنا ہے کہ یہ واقعہ کوئی پہلا نہیں بلکہ علاقے میں بندروں کی بھرمار ہے اور وہ اکثر گھروں یا راہ چلتے افراد سے چیزیں چھین کر فرار ہو جاتے ہیں۔
