گوگل نیوز پر ہمیں فالو کریںپنجابی اور اردو فلموں سے شہرت حاصل کرنے والے مشہورومعروف فلم اسٹار مصطفیٰ قریشی کی 82ویں سالگرہ آج منائی جارہی ہے۔ ان کے مداح نوری نت کے سحر سے آج تک نہ نکل سکے۔
تفصیلات کے مطابق مصطفیٰ قریشی حیدر آباد میں تحصیلِ علم کے دوران ہی ریڈیو پاکستان سے فنکار کے طور پر وابستہ ہوئے۔ بعد ازاں فلم انڈسٹری میں قدم رکھا تو ایک اہم اداکار کے طور پر ابھرے۔
اُردو کے مایہ ناز ادیب سعادت حسن منٹو کا 110واں یومِ پیدائش
مولا جٹ، لاکھوں میں ایک، جیوا، غلام، چیف صاحب، سرگم، وارنٹ اور شیر خان سمیت متعدد فلموں میں اداکاری کے جوہر دکھانے والے مصطفیٰ قریشی نے عوام کے دلوں میں جگہ بنا لی۔
اپنے 7 سال قبل دئیے گئے انٹرویو میں مصطفیٰ قریشی کا کہنا تھا کہ ہماری فلم انڈسٹری ماضی میں شاندار تھی جس کی تباہی قومی المیہ قرار دی جاسکتی ہے۔ لاہور میں 12 فلم اسٹوڈیوز ہوا کرتے تھے۔
انٹرویو کے دوران مصطفیٰ قریشی نے کہا کہ کسی دور میںصرف لاہور میں بننے والی فلموں کی تعداد 150 سے 175 تک ہوا کرتی تھی، آج کل (2015 میں) سالانہ تین یا چار ہی فلمیں بنتی ہیں۔
مصطفیٰ قریشی نے کہا کہ ہمارے سینما گھروں کی جگہ پلازے بنا لیے گئے۔ ماضی کی حکومتوں نے کبھی سینما کی صنعت پر توجہ نہیں دی۔ فلم انڈسٹری کی جانب سے کروڑوں کا ٹیکس آج کل نہیں دیاجاتا۔
