گوگل نیوز پر ہمیں فالو کریںلندن: قائد پاکستان مسلم لیگ ن نواز شریف نے کہا ہے کہ عمران خان سے بڑا سیاسی فراڈیا پاکستان کی سیاست میں پہلے کبھی نہیں دیکھا۔
لندن میں میڈیا سے گفتگو کرتے ہوئے نواز شریف نے کہا کہ آج آپ نے سن لیا ہوگا کہ حکومت نے جے آئی ٹی بنائی ہے جو اس سارے معاملے کی چھان بین کرے گی، انکوائری کرے گی اور اپنی رپورٹ پیش کرے گی کیونکہ بڑے سنگین واقعات ہوئے ہیں۔
یہ ہیرا پھیری کرنے والا اور فراڈیا تو پہلے ہی تھا سب دنیا جانتی ہے لیکن یہ دہشتگرد بھی تھا یہ کسی کو پتہ نہیں تھا میں نے نہ اس سے بڑا کوئی فراڈیا پاکستان کی سیاست میں دیکھا ہے نہ اس سے بڑا کوئی دہشتگرد پاکستان کی سیاست میں کوئی دیکھا ہے#آئین_فتنے_کا_کھلونا_نہیں pic.twitter.com/lAqgndIOar
— PMLN (@pmln_org) March 23, 2023
انہوں نے کہا کہ عمران خان ہیرا پھیری اور فراڈیا بندہ پہلے ہی تھا، سب دنیا جانتی ہے لیکن یہ دہشت گرد بھی تھا اس کا کسی کو علم نہیں تھا، اب واسطہ پڑا ہے تو سامنے آیا ہے، اس سے بڑا سیاسی فراڈیا پاکستان کی سیاست میں پہلے میں نے کبھی نہیں دیکھا، نہ کوئی اس طرح کا دہشت گرد پاکستان کی سیاست میں دیکھا ہے۔
اگر عمران خان چاہیں تو حکومت مذاکرات کے لیے تیار ہے، اعظم نذیر تارڑ
پیٹرول بم پھینکنے کے واقعے پر نواز شریف نے کہاکہ یہ تو ہر معاملے میں دوسروں سے نمبر لے کر جا رہا ہے، ایک سوال کے جواب میں انہوں نے کہا کہ زمان پارک میں پولیس پر پٹرول بم کس لیے پھینکے کہ پولیس والے وہاں جل کر مر جائیں؟ اگر وہ جل کر مر جاتے نہ وہ وہاں سے بھاگتے تو کیا ہوتا وہاں پر؟ ایک کہرام مچ جاتا۔
اُن کا یہ بھی کہنا تھا کہ سب کچھ ان کو کس نے سکھایا کہ پولیس والوں کے اوپر پٹرول بم پھینکیں؟ یہ تو پہلی دفعہ کسی سیاسی پارٹی کی طرف سے یہ حرکت ہوئی ہے جو ناقابل برداشت ہے، ہم نے پاکستان کو ڈبونا ہے کیا؟
