بھارت نے پاکستانی ڈرامہ میرے پاس تم ہوچوری کرکے کامنا بنالیا

بھارت میں پاکستانی ڈراموںکی چربہ سازی کا سلسلہ جاری، ڈرامہ میرے پاس تم ہوچوری کرکے کامنا نام دیدیا۔

سوشل میڈیا صارفین کاکہنا ہے کہ کامنانامی نیا انڈین سیریل پاکستانی ڈرامہ میرے پاس تم ہوکا ہوبہو چربہ ہے۔ کامناایک نیابھارتی ڈرامہ ہے جسے ہمایوں سعید کے شہرہ آفاق ڈرامہ میرے پاس تم ہوکی کاپی کہا جارہا ہے جو 2019 کی ایک ہٹ ڈرامہ سیریز ہے۔

آئیے انڈین ڈرامہ سیریل کے ٹریلر پر ایک نظر ڈالتے ہیں:

‘میرے پاس تم ہوکی طرح بھارتی سیریز کے ٹریلر میں ایک مخلص اور محنتی شوہر اور اس کی لالچی بیوی کو دکھایا گیا ہے جس کے ساتھ ایک بیٹا ہے۔ بیوی کے لیے پیسہ ہی سب کچھ ہے ۔صرف پاکستانی ہی نہیں بلکہ بھارتی سوشل میڈیا صارفین کا بھی دعویٰ ہے کہ یہ شو پاکستانی ڈرامے ’میرے پاس تم ہو‘ کی نقل ہے۔

یہ پہلی بار نہیں ہے جب ہندوستانی انٹرٹینمنٹ انڈسٹری نے کسی پاکستانی شاہکار کی نقل کی ہو۔ اس سے پہلے انہوں نے دھوپ کنارے کی کاپی کی تھی جس کا پریمئر انہوں نےکچھ تو لوگ کہیں گےکے نام سے کیا تھا۔ اس کے علاوہ بھارتی انڈسٹری نےنادانیاں اورہمسفرکے چند مناظر کو بھی کاپی کیا تھا۔