گوگل نیوز پر ہمیں فالو کریںعلاقائی سطح پر پیٹرول کی قیمتوں کے تقابلی جائزے سے یہ بات سامنے آئی ہے کہ پاکستان میں اس وقت خطے کے کئی ہمسایہ ممالک کے مقابلے میں پیٹرول مہنگا فروخت ہو رہا ہے، جس کے باعث پہلے ہی مہنگائی کے دباؤ کا شکار عوام کی مشکلات مزید بڑھ گئی ہیں۔
اعداد و شمار کے مطابق پاکستان میں پیٹرول کی قیمت تقریباً 414 روپے 78 پیسے فی لیٹر ہے، جو خطے کے متعدد ممالک سے نمایاں طور پر زیادہ بتائی جا رہی ہے۔
رپورٹ کے مطابق سری لنکا میں پیٹرول تقریباً 370 روپے، چین میں 360 روپے، بھارت میں 302 روپے جبکہ بنگلہ دیش میں 288 روپے فی لیٹر کے قریب دستیاب ہے۔ افغانستان اور مالدیپ میں بھی پیٹرول کی قیمتیں پاکستان کے مقابلے میں کم بتائی گئی ہیں۔
