گوگل نیوز پر ہمیں فالو کریںبشکیک: کرغزستان میں تعینات پاکستان کے نئے سفیر حسن علی ضیغم نے کرغزستان کے صدر سے ملاقات کرکے انہیں اپنی سفارتی اسناد پیش کی ہیں۔
سماجی رابطے کی ویب سائٹ ٹوئٹر پر اپنے پیغام میں دفترِخارجہ نے کہا کہ پاکستانی سفیر برائے کرغزستان حسن علی ضیغم نے اپنی ذمہ داریاں سنبھال لی ہیں اور اپنی سفارتی اسناد عزت مآب صدرِ کرغزستان سادیر زاپوراو کو پیش کیں۔
پنجاب کے بیشتر شہروں میں بارش کا امکان
Pakistan's Ambassador to the Kyrgyz Republic Mr. Hasan Ali Zaigham @hazaigham presented his credentials to the President, H.E Mr. Sadyr Zhaparov.@MFA_Kyrgyzstan @PakinKyrgyzstan https://t.co/jdNE1JCXsH
— Ministry of Foreign Affairs – Pakistan (@ForeignOfficePk) March 29, 2023
دفترِ خارجہ نے پاکستانی سفیر حسن علی ضیغم کی کرغزستان کے صدر کو اسناد پیش کرنے اور ملاقات کی تصاویر بھی سوشل میڈیا پر شیئر کیں جنہیں کرغزستان میں پاکستانی سفارت خانے نے جاری کیا ہے۔
خیال رہے کہ اس سے قبل عزت مآب عبداللہ محمد البلوکی، قائم مقام اسسٹنٹ انڈر سیکریٹری برائے پروٹوکول امور متحدہ عرب امارات کی وزارتِ خارجہ امور اور عالمی تعاون نے پاکستان کے سفیر فیصل نیاز ترمذی کی اسناد حاصل کیں۔
گزشتہ برس عبداللہ محمد البلوکی نے پاکستان کے نئے تعینات کیے گئے سفیر کو فرائض کی انجام دہی اور متحدہ عرب امارات اور پاکستان کے مابین دو طرفہ تعلقات اور تعاون کو بڑھانے میں کامیابی کی خواہش کا اظہار کیا۔
اس موقعے پر نئے پاکستانی سفیر نے یو اے ای میں پاکستان کی نمائندگی پر خوشی کا اظہار کرتے ہوئے کہا کہ متحدہ عرب امارات کے صدر شیخ محمد بن زاید النہیان کی بصیرت افروز پالیسی باوقار علاقائی اور عالمی مقام کی حامل ہے۔
