گوگل نیوز پر ہمیں فالو کریںاسکردو: پاکستان کے مایہ ناز ہیرو کوہ پیما علی سدپارہ کا جسد خاکی دنیا کی بلند ترین چوٹی K2 پر امانتاً دفن کر دیا گیا۔
سماجی رابطوں کی ویب سائٹ ٹویٹر کے ذریعے اس بات کی تصدیق مرحوم کوہ پیما کے بیٹے ساجد سدپارہ نے کی۔ مرحوم کے بیٹے کا کہنا تھا کہ میں نے اپنے والد کی میت کو کے ٹو کیمپ فور میں اس جگہ برف میں عارضی طور پر دفنا دیا ہے تاکہ باڈی ایوالانچ وغیرہ سے محفوظ رہ سکے۔
I have secured body of our hero at C-4. An Argentinian climber has been a great help in bringing body above bottleneck till C-4. I offered Fatih & recited Holy Quran on behalf of whole nation #MissionSadpara #K2Search
Secured place with Pakistan flag ???????? #SonofPakistan pic.twitter.com/9IdzXV4zDx— Sajid Ali Sadpara (@sajid_sadpara) July 28, 2021
قومی ہیرو محمد علی سدپارہ کے بیٹے ساجد سدپارہ کا کہنا تھا کہ اس اہم مشن میں ارجنٹائن سے تعلق رکھنے والے ایک کوہ پیما نے میری بہت مدد کی۔ وہ میرے ساتھ بوٹل نیک کی انتہائی بلندی سے علی سدپارہ کے جسد خاکی کو کیمپ فور تک لے کرآئے۔
ساجد سدپارہ نے کہا کہ میں نے والد کی میت کو امانتاً دفنانے کے بعد ان کی قبر کی نشانی کیلئے اس پر قومی پرچم لہرا دیا ہے،جبکہ پوری قوم کی جانب سے ان کے ایصال ثواب کیلئے قران پاک کی تلاوت اور دعا کی۔
Camp-4 K-2
Sajid has single handedly retrieved the body from above bottleneck, carried down to C-4 and have secured the body there. He has offered fatih & recited verses of Holy Quran as per Islamic rituals and acc to wishes of his mother #RIPAliSadpara #MissionSadpara pic.twitter.com/Y4HKVdTl5F— Team Ali Sadpara (@ali_sadpara) July 28, 2021
واضح رہے کہ نجی چینل سے بات کرتے ہوئے مرحوم کے بیٹے ساجد سدپارہ کا کہنا تھا کہ کے ٹو کیمپ فور سے علی سدپارہ کا جسد خاکی نیچے اتارنے کے لیے کم ازکم 10 سے 15 کوہ پیماؤں کی مدد کی ضرورت ہے۔
مزید پڑھیں: قومی ہیرو علی سدپارہ کے بیٹے ساجد نے دوسری بار کے۔ٹو پر سبزہلالی پرچم لہرا دیا
