اس عیدالفطر پر یہ تین بڑی پاکستانی فلمیں سینما گھروں کی زینت بنیں گی

عیدالفطر قریب آتے ہی پاکستان کے سینما گھروں میں بھی رونقیں بڑھنے لگی ہیں اور کئی نئی فلموں کی ریلیز کی تیاریاں جاری ہیں۔

ایکشن سے بھرپور بلاک بسٹرز سے لے کر ہلکی پھلکی کامیڈی اور خاندانی ڈراموں تک، فلم ساز ناظرین کے لیے تفریح کی مختلف اقسام بڑی اسکرین پر لانے کی کوشش کر رہے ہیں تاکہ تعطیلات کے دوران زیادہ سے زیادہ شائقین کو متوجہ کیا جا سکے۔

اس بار عید پر آنے والی موویز یہ ہیں:

آگ لگے بستی میں

کراچی کے رنگین اور ہنگامہ خیز ماحول میں بننے والی فلم “آگ لگے بستی میں”، جس کا انداز کسی حد تک “نامعلوم افراد” سے ملتا جلتا ہے، ایک ایسے شادی شدہ جوڑے کی کہانی بیان کرتی ہے جو مالی مشکلات سے نکلنے کے لیے جرم کا راستہ اختیار کر لیتا ہے۔

فلم میں فہد مصطفیٰ اور ماہرہ خان مرکزی کردار ادا کر رہے ہیں، اور یہ جوڑی “قائداعظم زندہ باد” کے بعد ایک بار پھر اس فلم میں اکٹھی نظر آئے گی۔ کہانی ایک مزاحیہ کرائم اسٹوری ہے جس میں افراتفری اور دلچسپ واقعات بھرپور انداز میں پیش کیے گئے ہیں۔

زبان: اردو
صنف: رومانس، کامیڈی، ایکشن

اداکار: فہد مصطفیٰ، ماہرہ خان، جاوید شیخ، تابش ہاشمی
ہدایت کار: بلال عاطف خان
پروڈیوسر: بگ بینگ انٹرٹینمنٹ، اے آر وائی فلمز، سلمان اقبال فلمز

دہلی گیٹ

لاہور کے تاریخی اندرون شہر کے پس منظر میں بننے والی فلم “دہلی گیٹ” ایک نوجوان کی کہانی بیان کرتی ہے جو اپنی محبوبہ کو بچانے کے لیے ایک طاقتور مجرم کا مقابلہ کرتا ہے۔

پرانے لاہور کی ثقافتی رنگا رنگی کے درمیان ہدایت کار ندیم چیمہ نے رومانس اور ایکشن کو یکجا کیا ہے، اور اس فلم میں شہر لاہور خود بھی ایک اہم کردار کے طور پر سامنے آتا ہے۔

زبان: اردو
صنف: ایکشن، رومانس

اداکار: یاسر خان (وائی ایس کے)، سوزین فاطمہ، شمون عباسی، جاوید شیخ، شفقت چیما
پروڈیوسر: اسکائی فلمز
ہدایت کار: ندیم چیما

بُلّھا