اپریل میں پاکستان کو کتنے ارب ڈالر کا تجارتی خسارہ ہوا؟

اپریل 2025 میں پاکستان کا تجارتی خسارہ 3.39 بلین ڈالر تک بڑھ گیا جو مارچ 2025 سے 55.2 فیصد زیادہ ہے اور اگست 2022 کے بعد سب سے زیادہ ماہانہ خسارہ ہے۔

اپریل 2025 میں تجارتی خسارہ گزشتہ مہینے کے مقابلے میں 55.2 فیصد بڑھ گیا، یہ اضافہ اگست 2022 کے بعد سب سے بڑے ماہانہ تجارتی خسارے کی نمائندگی کرتا ہے۔

وفاقی ادارہ شماریات  کےاعداد و شمار کے مطابق ملک کا تجارتی خسارہ اپریل میں ماہانہ بنیادوں پر 55.20 فیصد بڑھ کر 3 ارب 38 کروڑ 80 لاکھ ڈالر ز پر پہنچ گیا جبکہ برآمدات میں 19.05 فیصد تنزلی سے 2 ارب 14کروڑ 10 لاکھ ڈالرز رہیں۔

تجارتی خسارے میں کردار ادا کرنے والے عوامل میں درآمدی نمو میں اضافہ، برآمدی نمو کی رفتار اور درآمدات اور برآمدات کی قدر کے درمیان بڑھتا ہوا فرق شامل ہو سکتا ہے۔

وفاقی ادارہ شماریات کے مطابق جولائی 2024 تا اپریل 2025 کے دوران تجارتی خسارہ 8.81 فیصد بڑھ کر 21 ارب 35 کروڑ ڈالرز سے تجاوز کر گیا جبکہ اپریل میں سالانہ بنیادوں پرتجارتی خسارے میں 35.79 فیصد کا اضافہ ہوا۔

ادارہ شماریات کے مطابق اپریل میں ماہانہ بنیادوں پربرآمدات میں 19.05فیصد کی کمی ہوئی جبکہ سالانہ بنیادوں پر برآمدات 8.93 فیصد کم ہو کر 2 ارب 14کروڑ 10 لاکھ ڈالرز رہیں۔