گوگل نیوز پر ہمیں فالو کریںاسلام آباد: وزیرِ اعظم عمران خان نے کہا ہے کہ خیبر پختونخوا اپنے عوام کو 10 لاکھ روپے فی خاندان کی ہیلتھ انشورنس دینے والا پہلا صوبہ بن گیا ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم عمران خان نے کہا کہ میں خیبر پختونخوا حکومت کو مبارکباد پیش کرتا ہوں کہ انہوں نے کے پی کے کو ایسا پہلا صوبہ بنا دیا جو تمام شہریوں کو 10 لاکھ کی ہیلتھ انشورنس دے رہا ہے۔
پیغام میں وزیرِ اعظم عمران خان نے کہا کہ خیبر پختونخوا کا ڈومیسائل رکھنے والے 4 کروڑ شہریوں کو یونیورسل ہیلتھ کوریج دی جائے گی۔ ہر خاندان کو 10 لاکھ روپے سالانہ ہیلتھ انشورنس کی سہولت حاصل ہوگی۔
وزیرِ اعظم عمران خان نے خیبر پختونخوا حکومت کو 4 کروڑ عوام کیلئے ہیلتھ انشورنس کی خدمات مہیا کرنے پر مبارکباد دیتے ہوئے کہا کہ خیبر پختونخوا کے شہری انشورنس کے تحت پاکستان کے کسی بھی سرکاری یا نجی ہسپتال سے علاج کرا سکیں گے۔
Congratulations to KP govt for making KP first province in Pak with Universal Health Coverage for all KP-domiciled citizens. 40,000,000 residents covered with free health insurance. Free treatment upto Rs1,000,000 per family per year in over 400 govt/private hospitals across Pak.
— Imran Khan (@ImranKhanPTI) February 1, 2021
یاد رہے کہ اِس سے قبل وزیراعظم عمران خان نے عوام کے مسائل جاننے کے لئے عوام سے براہ راست رابطہ کرنے کا فیصلہ کیا ، وزیر اعظم عوام سے ٹیلیفون پر گفتگو کریں گے، فیصلے سے عوام میں خوشی کی لہر دوڑ گئی۔
وفاقی وزیر اطلاعات شبلی فراز نے سماجی رابطے کی ویب سائٹ ٹوئٹر پر گزشتہ روز باون سینکڈ پر محیط ویڈیو جاری کی جس میں وزیراعظم عمران خان کی مختلف تصاویر کے ساتھ عوام کو بڑی خوشخبری سنائی کہ وزیراعظم عمران خان یکم فروری کو شام 4 بجے عوام سے فون پر براہِ راست بات کرینگے۔
مزید پڑھیں: وزیر اعظم عمران خان کا عوام سے ٹیلیفون پر بات کرنے کا فیصلہ
