گوگل نیوز پر ہمیں فالو کریںاسلام آباد: وزیر اعظم پاکستان عمران خان نے کہا ہے کہ ہم ملک کو پسماندہ طبقے کا خیال رکھنے والی فلاحی ریاست بنائیں گے جس کی بنیاد ہمارے نبی ﷺ کی ریاستِ مدینہ کے تصور پر مبنی ہوگی۔
تفصیلات کے مطابق صوفی اسکالر شیخ حمزہ یوسف سے سوشل میڈیا پر گفتگو کرتے ہوئے وزیر اعظم عمران خان نے کہا کہ ہم پاکستان کی بنیاد 2 اصولوں کی بنیاد پر قائم کرنا چاہتے ہیں۔ اول فلاحی و انسانی ریاست جو معاشرے کے نچلے طبقات کا خیال رکھے اور دوم وہ قانون کی حکمرانی کا خیال رکھنے والی ریاست ہونی چاہئے۔
سابق وزیر اعظم کی صاحبزادی مریم نواز کی مبینہ آڈیو لیک ہوگئی
شاہد خاقان عباسی کا نیب پر حکومت کے خلاف کارروائی نہ کرنے کا الزام
ماحولیاتی چیلنجز کے متعلق وزیر اعظم عمران خان نے کہا کہ ماحول کو مقدس سمجھنا ہوگا۔ دنیا میں سب سے بڑی ماحولیاتی تباہی جسے موسمیاتی تبدیلی کہتے ہیں، اس کی وجہ یہ تھی کہ انسان مقدسات سے بہت دور چلا گیا اور مقدس کا بنیادی مطلب دوسروں کے بارے میں انسانی سوچ ہے۔ رسول اللہ ﷺ نے فرمایا کہ ایسے جیو جیسے کل مرجاؤگے۔
گفتگو کے دوران وزیر اعظم عمران خان نے کہا کہ ہمارے اعمال ایسے ہونے چاہئیں کہ اگر ہم کل مر جائیں تو اللہ کے سامنے جوابدہ ہوں لیکن دنیا میں ایسے رہیں جیسے ہزار سال زندہ رہنا ہے۔ جو کچھ بھی ہم کرتے ہیں، اس کے اثرات کے بارے میں سوچنا ہوگا کہ انسانیت پر مزید 1000 سال تک کیا اثرات پڑیں گے۔
وزیر اعظم عمران خان نے کہا کہ ملک میں سیاسی نظام کے ذریعے جو قیادت لائی گئی وہ عقیدے سے الگ تھلگ تھی، اس لیے انہوں نے اقتدار میں آکر سمجھوتہ کر لیا اور اقتدار زیادہ تر سیاستدانوں کے ذاتی مفادات کیلئے استعمال ہوا۔ زیادہ تر ترقی پذیر دنیا میں سیاستدان اپنے مفادات اور پیسہ کمانے کیلئے ہی حکومت میں آتے ہیں۔
"Someone who is rich is the one whose conscience has no price,"
Prime Minister @ImranKhanPTI, in conversation with Shaykh Hamza Yusuf- the co-founder of @zaytunacollege pic.twitter.com/PwHqq4dPwg
— Prime Minister's Office (@PakPMO) November 21, 2021
انہوں نے کہا کہ بدقسمتی سے کسی اعلیٰ مقصد کے تحت سامنے آنے والے نیلسن منڈیلا جیسے انسان بہت کم تھے۔ قائدِ اعظم محمد علی جناح ایک عظیم مقصد کیلئے آئے۔ سیاستدانوں کو حقارت کی نظر سے اس لیے دیکھا جاتا ہے کیونکہ وہ دوسروں کی مدد کیلئے آنے کا کہتے ہیں لیکن درحقیقت وہ اپنی مدد کر رہے ہوتے ہیں۔
