وزیر اعظم تحریکِ انصاف کے اوورسیز کنونشن سے خطاب آج کریں گے

اسلام آباد: وزیر اعظم عمران خان پاکستان تحریکِ انصاف کے اوورسیز کنونشن سے خطاب آج کریں گے جس کا مقصد سمندر پار پاکستانیوں کیلئے وفاقی حکومت کے اقدامات پر روشنی ڈالنا ہے۔

سماجی رابطے کی ویب سائٹ ٹوئٹر پر اپنے پیغام میں پی ٹی آئی کے سینیٹر فیصل جاوید خان نے کہا کہ وزیر اعظم عمران خان آج سہ پہر اسلام آباد میں منعقد ہونے والے تحریکِ انصاف کے تاریخی اوور سیز کنونشن سے خطاب کریں گے۔

یہ بھی پڑھیں:

تحریکِ عدم اعتماد، حکومت کا 21مارچ کو قومی اسمبلی اجلاس بلانے کا فیصلہ

وزیراعظم عمران خان آج سہ پہر انشاء اللہ اسلام آباد میں منعقد ہونے والے تحریک انصاف کے تاریخی اورسیز کنونشن سے خطاب کریں گے -تحریک انصاف کے پوری دنیا کے مختلف ممالک کے اورسیز چیپٹر کے عہدے داران اور کارکنان اس کنونشن میں شرکت کے لیے اسلام آباد تشریف لائے ہیں #میں_تمھارے_ساتھ_ہوں

— Faisal Javed Khan (@FaisalJavedKhan) March 15, 2022

ٹوئٹر پیغام میں سینیٹر فیصل جاوید خان نے کہا کہ پوری دنیا میں تحریکِ انصاف اوور سیز ونگ کے عہدیداران اور کارکنان سمندر پار پاکستانیوں کے کنونشن میں شرکت اور وزیر اعظم کا خطاب سننے کیلئے اسلام آباد پہنچ گئے ہیں۔ 

خیال رہے کہ اس سے قبل پی ٹی آئی کی وفاقی حکومت نے وزیر اعظم کے خلاف تحریکِ عدم اعتماد کا مقابلہ کرنے کیلئے 21 مارچ کو قومی اسمبلی اجلاس بلانے کا فیصلہ کیا۔ عدم اعتماد پر ووٹنگ 28 مارچ کو کرائی جائے گی۔ 

 وزیر اعظم تحریکِ عدم اعتماد کے خلاف خود میدان میں آگئے۔ پی ٹی آئی ملک میں او آئی سی اجلاس سے قبل اپوزیشن کی تحریکِ عدم اعتماد سمیت دیگر سیاسی بحرانوں کو حل کرنا چاہتی ہے۔وزیر اعظم نے اراکینِ اسمبلی سے ملاقاتیں کیں۔