سینئر تجزیہ کار ایاز امیر پر حملہ، وزیراعظم نے تحقیقات کرانے کی ہدایت دیدی

اسلام آباد: وزیراعظم شہباز شریف نے سینئر تجزیہ کار ایاز امیر پر نامعلوم افراد کی جانب سے حملے کی شدید مذمت کی ہے۔

تفصیلات کے مطابق وزیراعظم شہباز شریف نے اپنے ایک بیان میں سینئر تجزیہ کار ایاز امیر سے ہمدردی کا اظہار کرتے ہوئے وزیراعلیٰ پنجاب حمزہ شہباز کو واقعے کی اعلیٰ سطح پر تحقیقات کرانے کی ہدایت کی اور کہا کہ ملزموں کو جلد قانون کے کٹہرے میں لایا جائے۔

علاوہ ازیں شہباز شریف نے ہدایت جاری کی کہ صحافت اور صحافیوں کی حفاظت کی ذمہ داری کو یقینی بنایا جائے۔

یہ بھی پڑھیں:

حکومت کی مبینہ تبدیلی کیخلاف پی ٹی آئی آج اسلام آباد میں احتجاجی مظاہرہ کرے گی

واضح رہے کہ جمعے کی رات کو لاہور میں سینیئر تجزیہ کار ایاز امیر پر نامعلوم افراد نے حملہ کیا۔

سینئر تجزیہ کار ایاز امیر دفتر سے نکلے تو کار میں سوار نامعلوم افراد نے اُن کاراستہ روکا اور انھیں تشدد کا نشانہ بنایا۔

نامعلوم افراد نے تجزیہ کار کو تشدد کا نشانہ بنانے کے بعد اُن سے موبائل فون اور پرس بھی چھین لیا تھا۔