سویڈن میں قرآنِ پاک کی بے حرمتی، وزیر اعظم شہباز شریف کا اظہارِ تشویش

اسلام آباد: وزیر اعظم میاں شہباز شریف نے سویڈن میں قرآنِ پاک کی بے حرمتی پر تشویش کا اظہار کرتے ہوئے عالمِ اسلام کو اسلاموفوبیا کے خلاف یکجہتی کا مظاہرہ کرنے کی دعوت دی ہے۔

سماجی رابطے کی ویب سائٹ ٹوئٹر پر اپنے پیغام میں وزیر اعظم میاں شہباز شریف نے کہا کہ پاکستان کے عوام اور دنیا بھر کے مسلمان سویڈن اور نیدر لینڈز میں اسلاموفوبیا کے واقعات پر گہری تشویش کا شکار ہیں۔

یہ بھی پڑھیں:

نئی دہلی میں فرقہ وارانہ فسادات پھوٹ پڑے، 14افراد گرفتار

ٹوئٹر پیغام میں وزیر اعظم شہباز شریف نے کہا کہ عالمی برادری کو ایسے واقعات کی مذمت کرکے اس قسم کے روئیے کی جانچ پڑتال کیلئے اقدامات اٹھانا ہوں گے۔ ہم سب کو اسلاموفوبیا کے خلاف اتحاد کا مظاہرہ کرنا ہوگا۔ 

People of Pakistan and Muslims around the world are deeply hurt by the recent incidents of Islamophobia in Sweden & the Netherlands. The international community must condemn these incidents & take steps to check such abhorrent behaviour. We must stand united against Islamophobia.

— Shehbaz Sharif (@CMShehbaz) April 19, 2022

سویڈن میں قرآنِ پاک کی بے حرمتی کا واقعہ

خیال رہے کہ اس سے قبل سویڈن میں قرآنِ مجید کی بے حرمتی پر ملک کے مختلف شہروں میں احتجاج اور ہنگامہ آرائی کے واقعات میں متعدد افراد زخمی ہو گئے۔ قرآنِ پاک کی بے حرمتی ایک انتہا پسند تنظیم نے کی تھی ۔

مزید پڑھیں:

سویڈن میں قرآنِ مجید کی بے حرمتی پر احتجاج، ہنگاموں میں متعدد افراد زخمی

بین الاقوامی میڈیا کا کہنا تھا کہ سویڈن میں مسلم مخالف انتہا پسند تنظیم نے قرآنِ پاک کے نسخوں کو جلایا جس پر مسلمان سراپا احتجاج ہیں۔ سویڈن کے مختلف شہروں میں بھرپور مظاہرے اور ہنگامے جاری ہیں۔

سویڈن میں دائیں بازو کی مسلم مخالف تنظیم نے ایک مہم شروع کردی  جس میں قرآنِ پاک کے نسخے جلائے جانے لگے۔ ملک کے مختلف شہروں میں گھناؤنی مہم کے خلاف شدید مظاہرے، نعرے بازی اور احتجاج کا سلسلہ شروع کردیا گیا۔