گوگل نیوز پر ہمیں فالو کریںاسلام آباد: نگراں وزیراعظم انوار الحق کاکڑ نے بجلی کی بڑھتی ہوئی قیمتوں اور صارفین کے بلوں پر ہنگامی اجلاس اسلام آباد میں طلب کرلیا۔
وزیراعظم نے وزارت توانائی اور بجلی کی تقسیم کار کمپنیوں کو اس معاملے پر تفصیلی بریفنگ دینے کی ہدایت کی ہے۔ اجلاس میں بجلی کے بلوں میں عوام کو زیادہ سے زیادہ ریلیف فراہم کرنے پر غور کیا جائے گا۔
اس کے علاوہ، وزیر اعظم نے پوسٹ کیا کہ انہوں نے ان مسائل پر وزیر اعظم ہاؤس میں ایک ہنگامی اجلاس طلب کیا ہے اور بجلی کے صارفین کو زیادہ سے زیادہ ریلیف فراہم کرنے کے لیے مشاورت کریں گے۔
کراچی، راولپنڈی پشاور اور گوجرانوالہ سمیت ملک بھر کے شہروں میں صارفین نے بجلی کے زائد بل بھیجنے کی شکایت کی ہے۔
مختلف شہروں میں احتجاجی مظاہروں کا سلسلہ ہے، صارفین نے سڑکیں بلاک کر دی ہیں، بجلی کے بلوں کو آگ لگا دی ہے اور اعلان کیا ہے کہ وہ عوامی سطح پر ہونے والی ناانصافی کو عدالت میں چیلنج کریں گے۔
مزید پڑھیں:عمران خان کا ایف آئی اے ٹیم کے سامنے ایک بار پھر سائفر گم ہونے کرنے کا اعتراف
گزشتہ ماہ، نیپرا نے بجلی کے بل کے ٹیرف میں تقریباً 5 روپے فی یونٹ کا اضافہ کیا، جس سے بجلی کے بنیادی یونٹ کے نرخ 24.82 روپے سے بڑھ کر 29.78 روپے ہو گئے۔ 22 اگست کو حکومت نے بجلی کی قیمت میں 3 روپے 55 پیسے فی یونٹ اضافہ کرنے کی کوشش کی۔
