پولیس نے ایم کیو ایم کے رہنما بابرغوری کو بے گناہ قراردے دیا

عدالت نے دورانِ سماعت پولیس رپورٹ مسترد کرتے ہوئے حکم دیا کہ قانون کے مطابق رپورٹ بنا کر لائیں۔ زیرِ دفعہ 497 کے مطابق نہیں زیرِ دفعہ 169 کے تحت رپورٹ بنائی جائے۔ عدالت نے استفسار کیا کہ اگرآپ کو شواہد نہیں ملے اور ملزم کا مقدمے میں نام نہیں تو اسے رہا کیوں نہیں کیا؟۔

عدالت نے تفتیشی افسر کو 20 منٹ میں نئی رپورٹ پیش کرنے کا حکم دیا، جس پر پولیس بابر غوری کو بکتر بند گاڑی میں بٹھا کر واپس لے گئی۔ عدالت نے تفتیشی افسر کے نام کی آواز لگوائی لیکن وہاں کوئی موجود نہیں تھا۔ بعدازاں عدالت نے تفتیشی افسر کو دوبارہ طلب کرلیا۔

علاوہ ازیں ذرائع کا کہنا ہے کہ ایم کیو ایم کے رہنما بابر غوری کو رہا کردیا گیا ہے تاہم اِس خبر کی تصدیق ابھی تک نہیں ہوسکی ہے۔