گوگل نیوز پر ہمیں فالو کریںاسلام آباد میں خاتون ورکر کے ساتھ جنسی ہراسگی کے معاملے پر نجی بینک نے ایکشن لیتے ہوئے ملزم کو ملازمت سے برطرف کردیا ہے۔
تفصیلات کے مطابق شہرِ اقتدار میں نجی بینک نے خاتون ورکر کو ہراساں کرنے والے ملازم کے خلاف ایکشن لیتے ہوئے برطرف کیا جسے پولیس نے حراست میں لے لیا ہے جبکہ واقعے کی ویڈیو ہفتے کے روز تک سوشل میڈیا پر وائرل ہوچکی تھی۔
سماجی رابطے کی ویب سائٹ ٹوئٹر پر اپنے پیغام میں نجی بینک نے کہا کہ ہم نے اپنے ملازم کو جنسی ہراسگی کے الزام پر برطرف کیا ہے اور ہم ایچ آر پالیسیوں اور دیگر قانونی تقاضوں کا بھی جائزہ لے رہے ہیں۔
سوشل میڈیا پر اس حوالے سے زیرِ گردش خبروں کی تردید کرتے ہوئے کہا کہ مذکورہ ملازم بینک منیجر نہیں بلکہ ایک عام ملازم ہے۔ بینک نے ملزم کے انفرادی اقدام کی مذمت کرتے ہوئے کہا کہ بینک کی اقدار اوراخلاقی معیارات اس کے خلاف ہیں۔
Faysal Bank strongly condemns such individual act of unprofessional behavior and #workplaceharassment by an employee, which is contrary to the strong value system, ethical standards and professional work environment being maintained by the Bank for all its employees. #UsmanGohar pic.twitter.com/heykyjDHBc
— Faysal Bank Limited (@Faysalbankltd) November 7, 2020
یاد رہے کہ اِس سے قبل وفاقی دارالحکومت میں ایک مقامی بینک کے ملازم کی جانب سے خاتون ورکر کو جنسی طور پر ہراساں کرنے کی ویڈیو وائرل ہوگئی۔
فیصل بینک کے ملازم کو انٹرنیٹ پر وائرل ہونیوالی ویڈیو میں نامناسب حرکت کرتے دیکھا گیا، جس پر خواتین سوشل میڈیا صارفین نے غم و غصے کا اظہار کیا۔
مزید پڑھیں: خاتون ورکر کو جنسی طور پر ہراساں کرنیوالا بینک ملازم بے نقاب
