گوگل نیوز پر ہمیں فالو کریںافغانستان اور پاکستان کے تعلقات پر ایک بار پھر تلخی کی داستان رقم ہورہی ہے جہاں پاکستانی شہریوں کو نہ صرف قانونی دستاویزات مکمل ہونے کے باوجود مشکلات کا سامنا ہے بلکہ انہیں افغان سرحدوں پر اکثر ہراساں کیا جاتا ہے اور ملک میں داخلے کی اجازت بھی مشکل سے دی جاتی ہے۔ اس صورتحال سے واضح ہوتا ہے کہ افغانستان کی پاکستان سے ازلی دشمنی برقرار ہے اور تعلقات میں کوئی نرمی دکھائی نہیں دیتی۔
دوسری جانب بھارت کے ساتھ افغانستان کا تعلق ایک بالکل مختلف رنگ رکھتا ہے۔ بھارتی شہریوں کو یہاں دوستانہ رویہ دیا جاتا ہے اور ان کی آسانی کیلئے خاص سہولیات مہیا کی جاتی ہیں۔
ایک حالیہ واقعے میں ایک بھارتی سیاح کو طالبان اہلکاروں نے معمولی پاسپورٹ چیک کے لیے روکا لیکن جیسے ہی اس نے اپنا بھارتی ہونے کا بتایا تو ڈیوٹی پر طالبان اہلکاروں نے مسکرا کر اس کا پرتپاک استقبال کیا اور بغیر کسی دستاویزات کی جانچ پڑتال کے اسے جانے دیا۔
سوشل میڈیا پر پاکستان مخالف ایک اکاؤنٹ سے اس واقعے کی ویڈیو شیئر کی جارہی ہے جس میں واضح پیغام دیا جارہا ہے کہ افغانستان بھارت کو اپنا دلی دوست سمجھتا ہے اور دونوں کے تعلقات گہرے اور خوشگوار ہیں۔
Funny how our neighbors 🇵🇰 cry when Afghans 🇦🇫 treat Indians 🇮🇳 well. Bro, this is our country, our choice. When you mistreated Afghan refugees on your occupied land with cruelty and hate, we didn’t cry, we just waited for the right time and kept moving smarter.
— Fazal Afghan (@fhzadran) October 7, 2025
سوشل میڈیا پرافغان صارفین نے پاکستانی احتجاجات کو طنز کا نشانہ بنایا اور کہا کہ جب پاکستان میں افغان مہاجرین کے ساتھ ظلم اور بدسلوکی کی جاتی رہی تو افغانوں نے صبر کا دامن تھامے رکھا اور اب جب موقع ملا تو اپنی حکمت عملی کے تحت بھارت کے ساتھ تعلقات کو مضبوط کیا ہے۔ یہ سب کچھ افغانستان کی پاکستان کے خلاف ازلی دشمنی اور بھارت سے دلی دوستی کو بے نقاب کرتا ہے جو علاقائی سیاست میں ایک واضح حقیقت بن چکی ہے۔
