گوگل نیوز پر ہمیں فالو کریںپاکستان میں ایک بار پھر طاقت کے غیر متوازن استعمال اور قانون کے دوہرے معیار نے عوام کو جھنجھوڑ کر رکھ دیا ہے۔
سوشل میڈیا پر گردش کرنے والی مختلف ویڈیوز نے عوامی غصے کو بھڑکا دیا ہے جن میں ایک جانب پنجاب پولیس کے اہلکاروں کو غریب شہریوں پر تشدد کرتے دیکھا گیا ہے جبکہ دوسری جانب اسلام آباد میں ایک رئیس زادے کو ٹریفک وارڈنز کو زد و کوب کرتے ہوئے واضح طور پر دیکھا جا سکتا ہے۔
بتایا جا رہا ہے کہ یہ اسلام آباد کا سیکٹر آئی ایٹ ہے، ایک اوباش بندے نے تین وارڈنز کی پٹائی کر دی، کوئی کمزور یا بائیک والا ہوتا تو اب تک لٹایا جا چکا ہوتا۔۔۔۔ pic.twitter.com/AznvAhzA7T
— Nadir Baloch (@BalochNadir5) November 1, 2025
بتایا جا رہا ہے کہ یہ واقعہ اسلام آباد کے سیکٹر آئی 8 کا ہے جہاں ایک اوباش نوجوان نے تین ٹریفک وارڈنز کو سڑک کے بیچوں بیچ مارا پیٹا۔
عینی شاہدین کے مطابق اگر یہی واقعہ کسی کمزور یا غریب شہری کے ساتھ پیش آتا تو اب تک وہ حوالات میں بند یا بری طرح زخمی ہوتا۔ عوامی ردِعمل میں لوگوں نے سوال اٹھایا کہ آخر کیوں قانون صرف کمزور کے لیے سخت اور طاقتور کے لیے نرم ہو جاتا ہے؟
عوام نے اس عمل کو وردی کا نشہ قرار دیتے ہوئے کہا کہ پاکستان میں کئی اہلکار اپنی ذمہ داری کے بجائے طاقت کے غلط استعمال میں ملوث ہیں۔
ویڈیو میں دیکھیں، غریب پر رعب اور تھپڑ۔ اور یہاں ایک اوباش نے تین وارڈنز کی ٹھکائی کر دی۔ کمزور ملے تو قانون شیر، سامنے تگڑا آئے تو سارا توازن بدل جاتا ہے۔ یہ کیسا نظام ہے؟pic.twitter.com/fJlz38RGl9
— Fahad Ali (@FahadAli64391) November 1, 2025
سوشل میڈیا صارفین نے ان ویڈیوز پر سخت ردعمل دیا۔ ایک صارف نے لکھا کہ اسلام آباد میں رہنے والے رئیس زادے خود کو قانون سے بالاتر سمجھتے ہیں، ان کے لیے وردی یا قانون کی کوئی حیثیت نہیں۔
ایک اور صارف نے کہا کہ اگر یہی شخص کسی عام شہری کی جگہ ہوتا تو پولیس فوراً کارروائی کرتی لیکن یہاں خاموشی دیکھی جا رہی ہے۔
ایک اور ویڈیو میں دیکھا جا سکتا ہے کہ ایک پولیس اہلکار نے ایک بزرگ شہری کے ساتھ انتہائی بدسلوکی کی۔ واقعہ راولپنڈی میں پیش آیا جہاں پولیس اہلکار کو اپنی وردی کی طاقت کا غلط استعمال کرتے ہوئے دیکھا گیا۔
This is how these crocks deal with ordinary Pakistani https://t.co/PH6tCiOWL3
— Pakistan@wala (@PTI_Chicago) November 1, 2025
کچھ صارفین نے اس حقیقت کی طرف بھی اشارہ کیا کہ اکثر اوقات ٹریفک وارڈنز کا رویہ بھی شہریوں کے ساتھ تضحیک آمیز ہوتا ہے۔ ایک رائے یہ سامنے آئی کہ جب نچلے درجے کے اہلکار عوام سے بدتمیزی کرتے ہیں تو ردعمل میں ایسے ناخوشگوار واقعات جنم لیتے ہیں۔
ان ویڈیوز کے بعد عوامی سطح پر ایک بار پھر یہ بحث زور پکڑ گئی ہے کہ پاکستان میں قانون صرف کمزوروں کے لیے سخت ہے جبکہ طاقتور طبقہ ہمیشہ بچ نکلتا ہے۔
