گوگل نیوز پر ہمیں فالو کریںلاہور: وزیراعلیٰ پنجاب عثمان بزدار نے اورنج لائن ٹرین کا کرایہ 50 کے بجائے 40 روپے مقرر کرنے کی اصولی منظوری دی ہے۔
وزیراعلیٰ پنجاب عثمان بزدار کو اورنج لائن ٹرین کاکرایہ 50 روپے مقرر کرنے کی تجویز دی گئی تھی تاہم عثمان بزدار نے 50 روپے کی تجویز مسترد کرتے ہوئے کرایہ 40 روپے مقررکرنے کی اصولی منظوری دے دی،اورنج میٹروٹرین کے کرائے کی حتمی منظوری پنجاب کابینہ کے اجلاس میں دی جائے گی۔
میٹرو بس کا کرایہ بڑھانے کے سے بھی محکمہ ٹرانسپورٹ اور وزارت خزانہ نے تجویز دی تھی تاہم وزیر اعلیٰ پنجاب سے اس تجویز سے اتفاق نہیں کیا اور میٹروبس کا کرایہ 30روپے ہی رکھنے کا فیصلہ کیا گیا ہے۔
لاہور میں میٹرو بس کے بعد اورنج لائن ٹرین منصوبے کو لاہور شہر کے لیے ’ماس ٹرانزٹ‘ منصوبہ بھی کہا جاتا ہے، لاہور شہر آبادی کے لحاظ سے صوبہ پنجاب کا سب سے بڑا شہر ہے۔ جس کی وجہ سے لاہور شہر میں ماس ٹرانزٹ پراجکیٹ متعارف کروانے کا منصوبہ بنایا گیا۔
یہ بھی پڑھیں: طلب میں کمی :پاک سوزوکی کا مہینے میں چار روز پیداوار بند کرنے کا فیصلہ
