گوگل نیوز پر ہمیں فالو کریںپاکستانی فلم اور ٹی وی انڈسٹری کے مشہور فنکار حمزہ علی عباسی نے کہا ہے کہ نسل پرستی انسان کی بنائی ہوئی چیزوں میں سب سے زیادہ قابلِ نفرت ہے۔
سماجی رابطے کی ویب سائٹ ٹوئٹر پر اپنے پیغام میں اداکار حمزہ علی عباسی نے کہا کہ نسل پرستی نہ صرف قابلِ نفرت بلکہ بلا جواز بھی ہے جبکہ کسی شخص کو نسل کی بنیاد پر پسند کرنا یا اس سے نفرت کرنا باعثِ تشویش ہے۔
اداکار حمزہ علی عباسی نے کہا کہ آپ کسی شخص سے اس کی نسل کی بنیاد پر محبت یا نفرت کریں یا اسے قتل کردیں یا پھر کسی کی جان اس لیے بچائیں کہ وہ کسی خاص نسل سے تعلق رکھتا ہے، ناپسندیدہ بات ہے۔
حمزہ علی عباسی نے کہا کہ کسی شخص کے خلاف یا اس کی مدد کیلئے کوئی بھی کام صرف اس بنیاد پر کرنا کہ اس کا رنگ گورایا کالا ہے یا آپ کے ساتھ ملتا جلتا ہے، انتہائی شرمناک ہے۔
Racism is the most disgusting, useless, pointless "ism" humankind has ever invented. How can u possibly justify loving or hating or killing or saving some one based on what kina color pigment they have in their skin? Shameful… Utterly shameful. #GeorgeFloyd#GeorgeFloydProtests
— Hamza Ali Abbasi (@iamhamzaabbasi) June 4, 2020
