گوگل نیوز پر ہمیں فالو کریںگھوٹکی کے علاقے میرپور ماتھیلو ریلوے اسٹیشن کے قریب جمعہ کی صبح مال بردار ٹرین کی پانچ بوگیاں پٹری سے اترنے کے باعث ریلوے ٹریفک مکمل طور پر معطل ہو گئی۔
میڈیا رپورٹس کے مطابق حادثے میں اپ اور ڈاؤن دونوں ریلوے ٹریکس کو شدید نقصان پہنچا جبکہ بوگیاں انجن سے علیحدہ ہونے کے بعد پٹری سے اتریں۔ یہ ٹرین پنجاب سے کراچی کی جانب جا رہی تھی۔
ریلوے ٹریفک کی معطلی کے بعد مختلف مسافر ٹرینوں کو مختلف اسٹیشنوں پر روک دیا گیا ہے۔ ریلوے حکام کا کہنا ہے کہ روہڑی سے ریسکیو ٹرین روانہ کی جائے گی، جس کے بعد مرمتی کام کا آغاز ہوگا اور ریلوے ٹریفک کو بحال کرنے کی کوشش کی جائے گی۔
ریلوے حکام نے امید ظاہر کی ہے کہ چند گھنٹوں کے اندر ریلوے ٹریفک کو معمول پر لایا جا سکے گا۔دوسری جانب سندھ کے مختلف اسٹیشنوں پر شدید گرمی کے باعث خواتین، بزرگ شہریوں اور بچوں کو شدید مشکلات کا سامنا ہے۔
