کراچی کے مختلف علاقوں میں بارش کا آغاز

شہرِقائد کے مختلف علاقوں میں بارش شروع ہوگئی ہے جس کی وجہ سے شہر کا موسم کافی خوشگوار ہوگیا ہے۔

ملک کے دیگر علاقوں کی طرح کراچی میں بھی بالآخر بارش ہوگئی ہے۔ بارش کا سلسلہ گڈاپ، سپرہائی وے، احسن آباد اور گلشن معمار سے شروع ہوا۔

بعدازاں نارتھ کے مخلتف علاقوں میں بھی بارش شروع ہوچکی ہے۔

خیال رہے کہ شہرِ قائد میں بارش کے باوجود بھی حبس ابھی بھی برقرار ہے تاہم، گرمی کی شدت کافی حد تک کم ہوگئی ہے۔

یہ بھی پڑھیں:

عوام کا انتخاب عمران خان ہی ہونگے، شان شاہد کی پیش گوئی

محکمہ موسمیات کا بارشوں کے حوالے سے کہنا ہے کہ حالیہ بارش سے اربن فلڈنگ کا کوئی خظرہ نہیں، تاہم 40 ملی میٹر بارش سے نشیبی علاقوں میں پانی جمع ہوسکتا ہے

چیف میٹرولوجسٹ سردار سرفراز کا کہنا تھا کہ سندھ میں بارش کا سسٹم کمزور پڑ چکا ہے لیکن مون سون بارشوں کاسسٹم سندھ میں موجود ہے،اس لئے سندھ کے مختلف علاقوں بالخصوص کراچی میں معتدل ہلکی بارش کا امکان ہے۔