حکومت 1سال میں250ووکیشنل ٹریننگ انسٹیٹیوٹس قائم کریگی۔رانا تنویر

مریدکے: وفاقی وزیرِ تعلیم رانا تنویر حسین نے کہا ہے کہ حکومت آئندہ 1 سال میں 250 ووکیشنل ٹریننگ انسٹیٹیوٹس قائم کرے گی جبکہ ملک  کا مستقبل ہنر مندی پر انحصار کرتا ہے۔

تفصیلات کے مطابق ضلع شیخوپورہ کے شہر مریدکے میں نیشنل اسکلز یونیورسٹی کے نئے کیمپس کی افتتاحی تقریب سے خطاب کرتے ہوئے وفاقی وزیرِ تعلیم و پیشہ ورانہ تربیت رانا تنویر حسین نے کہا کہ وزیر اعظم کا ویژن نوجوانوں کو روزگار مہیا کرنا ہے۔

یہ بھی پڑھیں:

ضمنی انتخابات، ووٹ کی طاقت سے انتشار اور نفرت کو مسترد کریں۔وزیراعظم

تقریب سے خطاب کے دوران وزیرِ تعلیم رانا تنویر حسین نے کہا کہ حکومت ایک سال میں 250ووکیشنل ٹریننگ انسٹیٹیوٹس بنائے گی جبکہ پاکستان کا مستقبل ہنر مندی کی تعلیم پر منحصر ہے۔ حکومت نوجوانوں کو روزگار مہیا کرنے پر کام کررہی ہے۔ 

خطاب کے دوران وزیرِ تعلیم رانا تنویر حسین نے کہا کہ وزیر اعظم شہباز شریف کے نوجوانوں کو روزگار کے بھرپور مواقع مہیا کرنے کے ویژن کے مطابق اسکلز یونیورسٹی نوجوانوں کو روزگار فراہم کرنے میں کلیدی کردار ادا کرے گی۔ 

خیال رہے کہ اس سے قبل وزیراعظم شہباز شریف نے کہا کہ تعلیم، تحقیق اور مباحثے سے قومیں آگے بڑھتی ہیں۔انہوں نے ہی بات قومی پالیسیوں میں عوامی شمولیت کیلئے انوویشن ہب کے افتتاح کے موقعے پر کہی۔ 

آج سے 16روز قبل وزیراعظم شہباز شریف نے کہا کہ تعلیم، تحقیق اور مباحثے سے قومیں آگے بڑھتی ہیں۔حکومت جدید دور سے ہم آہنگ ہونے کیلئے اقدامات کررہی ہے۔