گوگل نیوز پر ہمیں فالو کریںملک کے بڑے شہروں اور اہم شاہراہوں پر ٹریفک کی روانی عمومی طور پر معمول کے مطابق ہے۔ پولیس اور ٹریفک حکام کے مطابق شہری علاقوں کے اندر اور شہروں کے درمیان آمدورفت میں کسی بڑے تعطل کی اطلاع نہیں ملی، البتہ بعض مقامات پر مقامی سطح پر سڑکیں بند یا موڑ دی گئی ہیں۔
اسلام آباد
وفاقی دارالحکومت اسلام آباد میں تمام مرکزی شاہراہیں کھلی ہیں تاہم سوائے ریڈ زون، سرینا ہوٹل اور فیض آباد جانے والے تمام راستے بن ہیں۔ ایکسپریس وے اور سرینگر ہائی وے بھی کھلی ہیں لیکن رش کے اوقات میں معمول کی ٹریفک کا دباؤ موجود ہے۔ ریڈ زون تک رسائی مارگلہ روڈ کے ذریعے ممکن ہے۔
راولپنڈی
راولپنڈی میں فیض آباد کے مقام پر مری روڈ، اوجڑی موڑ اور فیض آباد لوپس کی جانب سے راستے بند ہیں۔ شہر کے دیگر راستے معمول کے مطابق کھلے ہیں۔ اسلام آباد ایئرپورٹ کی طرف اسلام آباد اور راولپنڈی دونوں شہروں سے رسائی ممکن ہے۔
لاہور
لاہور میں ٹریفک کی صورتحال تقریباً 99 فیصد معمول پر آ چکی ہے۔ تمام اہم سڑکیں، موٹرویز اور جی ٹی روڈ کھلے ہیں۔ البتہ سمن آباد، اسکیم موڑ، شملہ پہاڑی اور پریس کلب کے اردگرد جزوی بندش ہے۔
کراچی
کراچی میں بیشتر اہم سڑکوں پر ٹریفک رواں دواں ہے۔ تاہم یونیورسٹی روڈ، شارع فیصل اور صدر کے علاقے میں رش کے اوقات میں معمول کی بھیڑ دیکھی گئی۔
پشاور
پشاور اور خیبرپختونخوا کے دیگر علاقوں میں ٹریفک معمول کے مطابق ہے اور کسی بڑے تعطل کی اطلاع نہیں ملی۔
کوئٹہ
کوئٹہ میں زرغون روڈ اور سرینا چوک کے اطراف ٹریفک معمول کے مطابق چل رہی ہے۔ تاہم پشین اسٹاپ کے قریب کچھ سرگرمی کے باعث ٹریفک عارضی طور پر معطل ہے۔
مجموعی صورتحال
تمام صوبوں سے کسی بڑے احتجاج یا سڑکوں کی بندش کی کوئی اطلاع موصول نہیں ہوئی۔ ملک بھر میں گاڑیوں کی آمدورفت مجموعی طور پر معمول کے مطابق جاری ہے۔
موٹروے کی صورتحال:
ایم 1، ایم 2، ایم 3، ایم 11 اور ایم 14: کھلی ہیں
ایم 4: شاہ شمس سے شیر شاہ تک بند (سڑک کو نقصان پہنچنے کے باعث)
ایم 5: جلال پور انٹرچینج سے جھنگڑہ انٹرچینج تک بند (مرمت کے کام کے باعث)
ساؤتھ باؤنڈ ٹریفک کو جلال پور انٹرچینج
نارتھ باؤنڈ ٹریفک کو اوچ شریف انٹرچینج کی طرف موڑ دیا گیا ہے
