گھبرانا نہیں ہے، صبا قمر عید الفطر پر ریلیز ہونے والی فلم ہٹ ہونے کیلئے پر امید

پاکستانی شوبز انڈسٹری کی معروف اداکارہ صبا قمر نے عید الفطر پر ریلیز ہونے والی اپنی نئی فلم “گھبرانا نہیں ہے” کے ہٹ ہونے کیلئے مثبت توقعات کا اظہار کیا ہے۔

فوٹو شیئرنگ پلیٹ فارم انسٹاگرام پر  پاکستان کے ساتھ ساتھ بھارت میں بھی اداکاری کےجوہر دکھانے والی فنکارہ صبا قمر نے اپنی نئی فلم گھبرانا نہیں ہے کے متعلق ایک مختصر ویڈیو شیئر کرتے ہوئے کہا کہ میرا دل فلم دیکھنے کے بعد مثبت  توقعات سے بھر گیا ہے۔

یہ بھی پڑھیں:

ڈرامہ سیریل دلِ مومن کا اختتام، اداکارہ مومل شیخ ساتھی فنکاروں کی شکرگزار

انسٹاگرام پیغام میں اداکارہ صبا قمر نے کہا کہ فلم گھبرانا نہیں ہے عیدالفطر کے پہلے روز ریلیز کی جائے گی اور میں فلم دیکھنے والوں کی جانب سے قیمتی ردِ عمل کی منتظر رہوں گی۔ سوشل میڈیا صارفین کی بڑی تعداد نے صبا قمر کی ویڈیو کی تعریف کی۔

 

View this post on Instagram

 

A post shared by ???????????????? ???????????????????? (@sabaqamarzaman)

سوشل میڈیا پر شیئر کی گئی ویڈیو میں اداکارہ صبا قمر زمان کو فلم کے گیت کچھ خاص ہے پر ماڈلنگ کرتے ہوئے دیکھا جاسکتا ہے۔ اسی ویڈیو میں فلم گھبرانا نہیں ہے کا پریمیئر بھی دکھایا گیا ہے جس میں دیگر فنکار بھی صبا قمر کے ہمراہ نظر آتے ہیں۔

فلم ڈائریکٹر ثاقب خان کی ہدایتکاری میں بننے والی فلم گھبرانا نہیں ہے رواں برس عید الفطر کے پہلے روز ریلیز ہوگی جس کی کہانی ثاقب علی اور محسن علی نے تحریر کی ہے۔ فلم کی کاسٹ میں صبا قمر کے علاوہ زاہد احمد، سلیم معراج اور سید جبران شامل ہیں۔

واضح رہے کہ صبا قمر کی نئی فلم  گھبرانا نہیں ہے  کا نام چیئرمین پی ٹی آئی اور سابق وزیر اعظم عمران خان کے جملے ” آپ نے ایک کام کرنا ہے، سب سے پہلے تو گھبرانا نہیں ہے” سے ماخوذ ہے جس پر عمران خان کو ملک بھر میں بے شمار تعریف و تنقید کا سامنا کرنا پڑا۔