گوگل نیوز پر ہمیں فالو کریںمعروف فیشن برانڈ ثنا سفیناز کی روح رواں اور سفیناز منیر کی صاحبزادی ساشا منیر شادی کے بندھن میں بندھ گئیں، تقریب کی تصاویر اور ویڈیوز سوشل میڈیا پر وائرل ہوگئی ہیں۔
تفصیلات کے مطابق ثنا ہاشوانی کے ہمراہ ثنا سفیناز کی روح رواں سفیناز منیر کی صاحبزادی ساشا منیر نے ملک کے سب سے بڑے شہر کراچی میں لکی گروپ کے سی ای او محمد علی طبا کے بیٹے سے شادی کی۔ سوشل میڈیا صارفین نے شادی کی ویڈیوز اور تصاویر پر دونوں کو زندگی کے نئے سفر کی مبارکباد دی۔
View this post on Instagram
خیال رہے کہ پاکستانی فیشن انڈسٹری میں ثنا سفیناز ایک نمایاں اور بااثر نام سمجھا جاتا ہے جسے معروف ڈیزائنرز ثنا ہاشوانی اور سفیناز منیر نے قائم کیا۔ یہ برانڈ ابتدا میں اعلیٰ درجے کے تیار ملبوسات اور کوچر کلیکشنز سے شہرت حاصل کرتی نظر آئی، بعد ازاں لان اور فارمل ملبوسات میں بھی شناخت کو مضبوط کیا۔
View this post on Instagram
اسی طرح لکی گروپ میں لکی سیمنٹ سمیت متعدد ادارے شامل ہیں جس نے سیمنٹ، آٹو موبائل، کیمیکلز، توانائیا ور دیگر شعبہ جات میں سرمایہ کاری کی اور ملک کے بڑے صنعتی گروپس میں جگہ بنائی۔ سوشل میڈیا پر وائرل ہونے والی تصاویر میں اس جوڑے کو خوش و خرم دیکھا جاسکتا ہے۔
شادی کی استقبالیہ تقریب میں محمد علی طبا (ستارۂ امتیاز) کے صاحبزادے حسن اور سفیناز و بلال منیر کی صاحبزادی ساشا کی شادی کا جشن منایا گیا۔ یہ استقبالیہ بیگم کلثوم اے۔ رزاق طبا کی جانب سے دیا گیا، جس میں ملک کی سیاسی قیادت، مسلح افواج، کاروباری حلقوں، میڈیا اور عوامی خدمات سے وابستہ نمایاں شخصیات نے شرکت کی۔
