گوگل نیوز پر ہمیں فالو کریںلاہور: پاکستان تحریک انصاف (پی ٹی آئی) کے سینئر رہنما فواد چوہدری نے الزام لگایا ہے کہ مریم نواز نے ججز کو بلیک میل کرنے کے لیے سیل بنا رکھا ہے، فواد چوہدری نے سپریم کورٹ سے پاکستان مسلم لیگ (ن) کے اعلیٰ عدلیہ کے خلاف پروپیگنڈے پرجواب اور کارروائی کا مطالبہ کیا ہے۔
منگل کو یہاں ایک پریس کانفرنس سے خطاب کرتے ہوئے، انہوں نے کہا کہ قوم کو عدلیہ کے علاوہ کسی سے کوئی امید نہیں ہے، انہوں نے مزید کہا کہ پی ایم ایل این سپریم کورٹ کے ججوں میں مبینہ تقسیم کے بارے میں انجینئرڈ پروپیگنڈے میں مصروف ہے۔
انہوں نے چیف الیکشن کمشنر (سی ای سی) سکندر سلطان راجہ کو کڑی تنقید کا نشانہ بناتے ہوئے کہا کہ وہ فوری طور پر مستعفی ہو جائیں۔ انہوں نے کہا کہ موجودہ چیف الیکشن کمشنر نے موجودہ حکمرانوں کے لیے گراں قدر خدمات انجام دی ہیں اور اس کے بدلے میں انہیں ایوان صدر میں اعلیٰ عہدے کی پیشکش کی گئی ہے۔
انہوں نے سپیکر قومی اسمبلی سے مطالبہ کیا کہ وہ اپنے عہدے کا احترام کریں اور اسے منشی کے عہدے میں تبدیل نہ کریں۔ انہوں نے کہا کہ نئے چیئرمین نیب کی تقرری پی ٹی آئی کے نئے اپوزیشن لیڈر کی مشاورت سے ہونی چاہیے نہ کہ راجہ ریاض کی جو کہ ’ٹرن کوٹ‘ ہیں۔
مزید پڑھیں:سابق وزیر اعظم شاہد خاقان عباسی کے ناقابلِ ضمانت وارنٹ گرفتاری جاری
انہوں نے الزام لگایا کہ پنجاب میں نگراں صوبائی وزراء کے عہدے نیلام کیے گئے، اور نگراں وزیراعلیٰ محسن نقوی سے مطالبہ کیا کہ وہ میڈیا پر آکر اپنی غیرجانبداری کا اعلان کریں۔ انہوں نے الزام لگایا کہ نگراں حکومت اور ای سی پی کے اعلیٰ افسران روزانہ فون پر بات چیت کر رہے ہیں۔
