گوگل نیوز پر ہمیں فالو کریںچیف جسٹس آف پاکستان قاضی فائز عیسیٰ کی سربراہی میں سپریم کورٹ کے 5 رُکنی بینچ نے آج آئین کے آرٹیکل 63 اے کی تشریح سے متعلق عدالت عظمیٰ کے ایک سابقہ فیصلے کے خلاف اپیل اتفاقِ رائے کے ساتھ منظور کرلی۔
یہ قصہ کچھ یوں ہے کہ 17 مئی 2022 کو دیے گئے سپریم کورٹ کے ایک فیصلے میں قرار دیا گیا تھا کہ کسی بھی جماعت کے منحرف رُکن یا اراکین اسمبلی کا پارٹی پالیسی کے خلاف دیا گیا ووٹ گنتی میں شمار نہیں ہو گا جبکہ ایسے رُکن کی نااہلی کی معیاد کا تعین کرنے کا حق پارلیمنٹ کو دیا جائے گا۔
لیکن سپریم کورٹ نے بیک جنبشِ قلم ماضی کی اس تشریح کو رد کردیا اور آج سامنے آنے والے فیصلے میں آئین کے آرٹیکل 63 اے کی اِس تشریح کو کالعدم قرار دینے کا مطلب یہ ہو گا کہ منحرف رُکن اسمبلی کا ووٹ گنتی میں شمار کیا جائے گا، یعنی اسے انحراف کی وہ سزا نہیں ملے گی جو پہلے دی جارہی تھی۔
آج معزز سپریم کورٹ نے مختصر فیصلے کا اعلان کرتے ہوئے کہا کہ تفصیلی فیصلہ بعد میں جاری کریں گے۔ اس فیصلے کے بعد وہ چار معاملات جن میں منحرف رُکن یا اراکین کا پارٹی پالیسی کے برخلاف دیا گیا ووٹ شمار کیا جا سکے گا اُن میں وزیراعظم اور وزرائے اعلیٰ کا انتخاب، تحریک عدم اعتماد پر ووٹنگ، آئینی ترمیم پر ہونے والی ووٹنگ اور بجٹ پر ہونے والی ووٹنگ شامل ہیں۔
آرٹیکل 63اے کیا کہتا ہے؟
