گوگل نیوز پر ہمیں فالو کریںنیدرلینڈز میں ایک تیز رفتار ٹرین پھلوں سے لدی ٹرک سے ٹکرا گئی جس کے نتیجے میں ٹرک میں سوا 5 افراد زخمی ہوگئے اور ٹرین کو بھاری نقصان کا سامنا کرنا پڑا جبکہ ایک کلومیٹر تک ریلوے ٹریک بھی ناکارہ ہوگیا۔حادثے کے بعد ٹریک پر جا بجا ناشپاتیاں بکھری نظر آئیں۔
حادثہ وسطی نیدرلینڈز کے گاؤں میٹیرن (Meteren) میں پیش آیا۔ عینی شاہدین کے مطابق ٹرک نارمل اسپیڈ سے ریلوے کراسنگ عبور کر رہی تھی جب سامنے سے ایک کار آتی دکھائی دی۔ ڈرائیور نے پیچھے ہٹنے کی کوشش کی مگر اسی دوران ریلوے کراسنگ کے الارم بجنے لگے اور پھاٹک بند ہونا شروع ہوگئے۔
FRUIT FLIGHT: A Dutch freight train tore through a truck loaded with pears after it got caught on the tracks, scattering fruit in a shocking collision caught on camera. Five people sustained minor injuries, according to a local safety authority. pic.twitter.com/uLNckJiZNi
— Fox News (@FoxNews) November 1, 2025
ٹرک کا اگلا حصہ پٹڑی کے بیچ پھنس گیا ڈرائیور نے نکلنے کی کوشش میں گاڑی آگے پیچھے کرنے کی غلطی کی۔ چند ہی لمحوں بعد تیز رفتار ٹرین آ پہنچی اور پوری رفتار سے ٹرک سے جا ٹکرائی۔ ٹکر کے بعد ٹرک کا پچھلا حصہ خوفناک دھماکے سے پھٹ گیا اور اس میں لدی ہزاروں پھل فضا میں بکھر گئے۔
حادثے کے نتیجے میں ٹرک میں سوار پانچ افراد زخمی ہوئے جبکہ ٹرین اور پٹڑی کو بھاری نقصان پہنچا۔ حکام کے مطابق تقریباً ایک کلومیٹر طویل ٹریک کو مرمت کے لیے بدلنا پڑے گا۔
حکومتی ادارے پرو ریل (ProRail) نے اس واقعے کی ویڈیو جاری کرتے ہوئے تمام ڈرائیوروں کو خبردار کیا ہے کہ اگر کبھی گاڑی پھاٹک کے درمیان پھنس جائے تو ہچکچاہٹ کے بجائے رکاوٹ توڑ کر آگے نکل جائیں کیونکہ انسانی جان کسی بھی سامان سے زیادہ قیمتی ہے۔
ادارے کے ترجمان نے کہا کہ یہ ویڈیو دکھاتی ہے کہ ریلوے کراسنگ پر حالات کتنی تیزی سے خطرناک ہو سکتے ہیں۔ اگر آپ پھنس جائیں تو رکیں نہیں پھاتک توڑ کر آگے بڑھ جائیں۔
