شبیر جان نے ندا یاسر کے ساتھ شو میں تنازعہ پر وضاحت پیش کردی

سینئر اداکار شبیر جان نے معروف میزبان ندا یاسر کے شو میں تنازعہ کے حوالے سے وضاحت پیش کردی ہے۔

حال ہی میں اپنی اہلیہ فریدہ کے ساتھ ایک ٹاک شو میں شریک شبیر جان نے ’منی بدنام‘ پر وائرل ڈانس کی ویڈیو کے حوالے سے بھی بات چیت کی۔

ان کا کہنا تھا کہ روبینہ اشرف ان کی بہت اچھی دوست ہیں اور انہوں نے یہ سب اپنے دوستوں کی محبت میں کیا اور وہ سب شادی کا مزہ لے رہے تھے۔ جس پر میزبان نے کہا کہ وہ شبیر جان کی پرفارمنس سے بہت لطف اندوز ہوئے۔

مزید پڑھیں:فرحان سعید نے ”سنو چندا” سیژن 3 کرنے کیلئے کیا شرط رکھ دی؟

واضح رہے کہ شبیر جان پاکستانی ٹیلی ویژن کے سینئراداکار ہیں جو کئی ٹی وی ڈرامہ سیریلز میں نظر آ چکے ہیں، جیسے وفا، زندگی دھوپ تم گھنا سایا، عمراؤ جان، جانگلوس اور شب غم اور بہت سے دوسرے دیگر ڈراموں میں اپنی صلاحیتوں کے جوہر دکھا چکے ہیں۔

شبیرجان نے 1970 کی دہائی کے آخر میں بطور ٹی وی اداکار کام کرنا شروع کیا۔تین بار پی ٹی وی کے بہترین اداکار کا ایوارڈ جیت چکے ہیں۔ وہ 2010 میں لکس اسٹائل ایوارڈز میں بہترین اداکار کے ایوارڈ کے لیے ایک بار نامزد رہ چکے ہیں۔