دو بھائی قتل، شاہد آفریدی نے وزیراعظم سے انصاف مانگ لیا

اسلام آباد:شہر اقتدار میں لاقانونیت انتہاء کو پہنچ گئی، قبضہ مافیا نے جائیداد پر قبضے کیلئے دو سگے بھائیوں کی جان لےلی، شاہد آفریدی نے وزیراعظم عمران خان سے انصاف کی اپیل کردی ہے۔

نیشنل پریس کلب اسلام آباد میں پریس کانفرنس کرتے ہوئے شاہد آفریدی خان اور انیس صفدر کا کہنا تھا کہ انکے سویڈن میں مقیم بھائی ذاکر علی خٹک نے خیبر پختونخوا کے ضلع نوشہرہ میں زمین چار سال قبل کاروباری مقاصد کیلئے اشتیاق غنی کے بیٹے سید کرم اور عابد خٹک ولد دلاور خٹک سے خریدی تھی۔

زمین کے مالکان کو ذاکر علی خٹک کی جانب سے وصول شدہ ادائیگی کے دستاویزی ثبوت کے ساتھ پوری رقم ادا کی گئی تھی مگر زمین ذاکر علی خٹک کے قبضے میں نہیں دی گئی جس پر ذاکر خٹک نے بیچنے والے سے کہا کہ وہ زمین اپنے نام پر منتقل کر دے لیکن انہوں نے مکمل ادائیگی ملنے کے بعد بھی سرکاری طور پر زمین کو ذاکر علی خٹک کو منتقل کرنے کے بہانے بنانا شروع کر دیئے اور مجرم پارٹی نے میرے بھائی ذاکر علی خٹک اور ان کے خاندان کو گزشتہ ایک سال سے دھمکیاں دینا شروع کر دیں تھیں۔

مزید پڑھیں:لاہور میں ڈکیتی کے دوران مزاحمت پر خاتون ڈاکٹر قتل

26 جولائی 2021ء کو ذاکر علی خٹک کو دیکھ بھال کرنے والے ملازم نے مطلع کیا کہ آفتاب عالم ، اتفاق عالم ، اشتیاق عالم اور خورشید عالم ولد شرافت خٹک بندوقوں اور گولہ بارود کے ساتھ آپ کی زمین اور آپریشن ٹریکٹر پر کام کر رہے ہیں۔

زمین پر (شاکر علی ولد یوسف اور وزیر) انہوں نے پہلے سے منصوبہ بنایا ہے کہ آج ہم ذاکر علی خٹک اور اس کے بھائی صفدر کو قتل کر دیں گے۔

جیسے ہی ذاکر علی خٹک اور اس کا بھائی صفدر علی موقع پر پہنچے اور ان سے کام روکنے کو کہا ، مجرم پارٹی نے ان پر بندوق کی گولیاں کھولیں اور ذاکر علی خٹک اور صفدر علی کو موقع پر ہی بے دردی سے قتل کردیا۔ پولیس ملزمان کے ساتھ ملی ہوئی ہے اور قاتل سرعام دندناتے پھر رہے ہیں۔

انہوں نے وزیر اعظم پاکستان عمران خان سے مطالبہ کیا کہ وہ انہیں انصاف فراہم کریں اور انکے بھائیوں کے قاتلوں کو کیفر کردار تک پہنچائیں۔