گوگل نیوز پر ہمیں فالو کریںراولپنڈی: عوامی مسلم لیگ کے سربراہ شیخ رشید نے کہا ہے کہ مفرور ملزم لندن میں بیٹھ کر اہم فیصلوں کے نام پر قوم کا مذاق اُڑارہا ہے۔
سماجی رابطے کی ویب سائٹ ٹوئٹر پر ایک پیغام میں سابق وزیر داخلہ شیخ رشید نے کہا کہ لندن میں استخارہ کی میٹنگ سات روز کے چلے میں بدل گئی، تعیناتی پسند نہ پسند پر نہیں آئین اور قانون کے مطابق میرٹ پر ہوگی۔
لندن میں استخارہ کی میٹنگ سات روزه چلہ میں بدل گئیFIR نہیں کٹ رہی پوسمارٹم کی رپورٹ نہیں مل رہی وزرادفترنہیں جارہےحکومت ٹھپ ہوگئی تعیناتی پسندنہ پسندپرنہیں آئین اورقانون کےمطابق میرٹ پرہوگی پنڈی میں بچیوں کے50سکول کالج اور5یونیورسٹیاں بنائی ہیں پاکستان کانوجوان گونگابہرہ نہیں رہا
— Sheikh Rashid Ahmed (@ShkhRasheed) November 12, 2022
ٹوئٹر پیغام میں شیخ رشید کا کہنا تھا کہ مفرور ملزم اہم فیصلوں کے نام پر قوم کا مذاق اُڑا رہے ہیں، تیس نومبر کے بعد تیرا پارٹیاں تیتر بیتر ہوجائیں گی۔
شہری کیخلاف متنازع ٹرینڈ میں ٹوئٹس کرنے پر درج مقدمہ خارج
انہوں نے کہا کہ ایف آئی آر کٹ نہیں رہی، پوسٹ مارٹم کی رپورٹ نہیں مل رہی، وزرا دفتر نہیں جارہے ہیں، حکومت ٹھپ ہوگئی۔
سابق وزیر داخلہ نے مزید کہا کہ احتساب حساب انتخاب ہوکر رہے گا، غریب کو نہ پیناڈول مل رہی ہے نہ انسولین مفرور ملزم لندن میں بیٹھے ہیں۔ ان کا کہنا تھا کہ راولپنڈی پہنچنے پر عمران خان کا تاریخی استقبال کروں گا، 15 دن اہم ہیں اس لیے 30 نومبرتک ٹی وی نہیں ٹوئٹر پر چلاگیا ہوں۔
