سابق فاسٹ بولر شعیب اختر نے بھی کورونا ویکسین کی پہلی ڈوز لگوالی

راولپنڈی: قومی کرکٹ ٹیم کے سابق فاسٹ بولر اور راولپنڈی ایکسپریس شعیب اختر نے بھی کورونا ویکسین کی پہلی ڈوز لگوالی۔

سابق فاسٹ بولر نے سوشل میڈیا سائٹ ٹوئٹر پر ویکسین لگواتے ہوئے اپنے مداحوں کے لئے ویڈیو شیئر کی۔ ساتھ ہی انہوں نے بتایا کہ ملک بھر میں 30 سے زائد عمر کے افراد کی ویکسینیشن کی رجسٹریشن شروع ہو چکی ہے۔

Got the first dose of my Covid vaccine today. Please get yourself vaccinated today. Its open for all people above the age of 30.
More vaccination, more safe we all are! #VaccinateOurWorld #Pakistan #RawalpindiExpress pic.twitter.com/8zsuskmiOi

— Shoaib Akhtar (@shoaib100mph) May 17, 2021

انہوں نے کہا کہ میں نے اپنی ویکسینیشن کی پہلی ڈوز لگوالی ہے، آپ بھی آج ہی ویکسین لگوائیں، جتنے لوگ ہم میں سے ویکسین لگوائیں گے اتنے ہی ہم کورونا سے محفوظ رہیں گے۔

واضح رہے کہ اس قبل متعدد دیگر کرکٹرز نے بھی کورونا وائرس ویکسین کی پہلی ڈوز لگوائی ہے اور اپنے چاہنے والوں کو احتیاطی تدابیر کی تلقین کی بھی ہے۔