گوگل نیوز پر ہمیں فالو کریںسیالکوٹ میں دروازے میں داخل ہوتی خاتون کے ساتھ نازیبا حرکت کرنے والا ملزم محمد عرفان عرف فورمین اپنے ہی پستول سے اپنے نازک اعضاء پر فائر لگنے سے زخمی ہوگیا۔
سیالکوٹ میں ایک افسوسناک واقعہ اس وقت پیش آیا جب دروازے پر کھڑی خاتون سے نازیبا حرکت کرنے والا ملزم اپنے ہی انجام سے دوچار ہوگیا۔
سیالکوٹ میں دروازے میں داخل ہوتی خاتون کے ساتھ نازیبا حرکت کرنے والا ملزم محمد عرفان عرف فورمین اپنے ہی پستول سے اپنے نازک اعضاء پر فائر لگنے سے زخمی۔👌 pic.twitter.com/RhYoI9QQkc
— Niki Chiri♡ (@cutehunmee) September 5, 2025
محمد عرفان عرف فورمین نامی ملزم نے چند روز قبل ایک خاتون کے ساتھ نازیبا حرکت کی تھی جس کی ویڈیو سوشل میڈیا پر وائرل ہوگئی تھی۔
ویڈیو میں صاف دیکھا جا سکتا ہے کہ ملزم پہلے سیدھا جارہا تھا لیکن دروازے پر خواتین کو دیکھ کر واپس آیا اور ایک خاتون کے ساتھ انتہائی شرمناک حرکت کی۔
ملزم اپنے اعترافی بیان میں پہلے بھی اس طرح کی شرمناک حرکات کرنے کا اقرار کر چکا ہے۔
واقعے کے بعد سی سی ڈی ٹیم نے اس کا پیچھا کیا تو اس دوران اس نے پستول اپنے نیفے میں چھپانے کی کوشش کی لیکن اچانک گولی چل گئی جس کے نتیجے میں ملزم کے نازک اعضاء پر گولی لگ گئی اور وہ زخمی ہوگیا۔
حکام کے مطابق ملزم کو زخمی حالت میں اسپتال منتقل کردیا گیا ہے جہاں اس کا علاج جاری ہے۔ پولیس کا کہنا ہے کہ ایسے مجرمانہ رویے کے مرتکب افراد کسی رعایت کے مستحق نہیں اور قانون کے مطابق سخت کارروائی عمل میں لائی جائے گی۔
