سندھ میرج ریسٹرینٹ ایکٹ چائلڈ پروٹیکشن اتھارٹی میں ضم کرنے کی منظوری

کراچی: وزیراعلیٰ سندھ سید مراد علی شاہ کی زیر صدارت صوبائی کابینہ کا اجلاس، ترقیاتی کاموں پر محکمہ توانائی، لوکل گورنمنٹ اور وزیر آبپاشی نے بریفنگ دی،کابینہ نے سندھ میرج ریسٹرینٹ ایکٹ اور اس کے رولز سندھ چائلڈ پروٹیکشن اتھارٹی میں ضم کرنے کی منظوری دیدی۔

وزیراعلیٰ سندھ سید مراد علی شاہ کی زیر صدارت کابینہ کے اجلاس میں تمام صوبائی وزرا، مشیر، اسپیشل اسسٹنٹ، چیف سیکریٹری اور متعلقہ سیکریٹریز شریک ہوئے، اجلاس کے شروع میں وزیراعلیٰ سندھ نے وزرا کو کہا کہ اپنے محکموں کے ترقیاتی کاموں کو ترجیحی بنیادوں پر مکمل کروائیں۔

وزیر توانائی امتیاز شیخ نے لوڈشیڈنگ کے مسئلے پر گفتگو کی، امتیاز شیخ نے بتایا کہ بیشتر دیہی علاقوں میں ٹرانسفارمرز جل جاتے ہیںاور کئی کئی دن تک وہ ٹرانسفارمرز مرمت نہیں ہوتے ہیں جس پر وزیراعلیٰ سندھ نے ٹرانسفارمرز کے جلنے کا معاملہ واپڈا اتھارٹیز کے ساتھ بات کرنے کی ہدایت کرتے ہوئے کہا کہ لوڈشیڈنگ کے مسئلے متعلقہ کمپنی کے ساتھ اٹھائے جائیں۔

مزید پڑھیں:وزیر اعظم نے کابینہ کا اجلاس طلب کر لیا، 37ادویات کی قیمتوں میں اضافے پرفیصلہ آج ہوگا

اجلاس میں ترقیاتی کاموں پر محکمہ توانائی، لوکل گورنمنٹ اور وزیر آبپاشی نے بریفنگ دی، سندھ کابینہ نے سندھ میرج ریسٹرینٹ ایکٹ اور اس کے رولز سندھ چائڈ پروٹیکشن اتھارٹی میں ضم کرنے کی منظوری کے ساتھ سندھ انسٹیٹیوٹ آف اینیمل ہیلتھ کے قوائد و ضوابط کی منظوری بھی دیدی۔

کیڈر پوسٹ کی ری اسٹکچرنگ پر ایس این جی اے ڈی نے بریفنگ دیتے ہوئے بتایا کہ گریڈ بی ایس 18 کی 85 پوسٹس ہیں لیکن 53 کام کر رہے ہیں 32 خالی ہیں، اس طرح گریڈ بی ایس 20 کی 67 پوسٹس ہیں لیکن 19 کام کر رہے ہیں 48 خالی ہیں، گریڈ بی ایس 19 کی 59 پوسٹس ہیں لیکن 25 کام کر رہے ہیں 34 خالی ہیں،کابینہ نے گریڈ بی ایس 20 کی 47 پوسٹس کو بھی فلٹنگ کرنے کی کابینہ نے منظوری دیدی۔

سندھ کابینہ نے سندھ میں زرعی پانی کی کمی پر تشویس کا اظہار کیا،کابینہ کا کہنا تھا کہ ارسا انڈس سسٹم سے جہلم-چناب سسٹم میں پانی دے رہا ہے،صوبائی کابینہ نے سی جے اور ٹی پی لنک کینالوں کو بند کرنے کا مطالبہ کیا۔